ദുൽകർ സൽമാൻ നായകനായി എത്തിയ പുതിയ ചിത്രമാണ് കിങ് ഓഫ് കൊത്ത. മലയാളത്തില് സമീപകാലത്ത് ഏറ്റവുമധികം പ്രീ റിലീസ് ഹൈപ്പോടെ എത്തിയ ചിത്രമായിരുന്നു കിംഗ് ഓഫ് കൊത്ത.
ജോഷിയുടെ മകന് അഭിലാഷ് ജോഷിയുടെ സംവിധാന അരങ്ങേറ്റ ചിത്രമെന്ന നിലയിൽ ആയിരുന്നു ചിത്രത്തിന് മേൽ ആരാധകർ പ്രതീക്ഷയോടെ കാത്തിരുന്നത്.
ഓണം റിലീസ് ആയി ഓഗസ്റ്റ് 24 നാണ് ചിത്രം തിയറ്ററുകളില് എത്തിയത്. വൻ ഹൈപ്പുമായി എത്തിയ ചിത്രം, എന്നാല് റിലീസ് ദിനത്തില് സമ്മിശ്ര അഭിപ്രായമാണ് ലഭിച്ചത്.
അതുകൊണ്ട് തന്നെ പ്രതീക്ഷിച്ച വിജയം സ്വന്തം ആക്കാൻ ചിത്രത്തിന് കഴിഞ്ഞില്ല.
ബോധപൂര്വ്വമായ ഡീഗ്രേഡിംഗ് ആണ് ചിത്രത്തിന് നേരെ ഉണ്ടാവുന്നതെന്ന് അണിയറക്കാര് ആരോപണം ഉയര്ത്തിയിരുന്നു.
എന്നാൽ ഇതിനിടയിൽ ഇപ്പോഴിതാ ചിത്രം ഒടിടി റിലീസിന് ഒരുങ്ങുകയാണ് എന്ന റിപ്പോർട്ട് ആണ് എത്തുന്നത്. ചിത്രത്തിന്റെ ഒടിടി റിലീസ് സെപ്റ്റംബര് 22 ന് നടക്കുമെന്ന് ഇന്ത്യ ടൈംസ് അടക്കമുള്ള മാധ്യമങ്ങള് റിപ്പോര്ട്ട് ചെയ്തിരിക്കുന്നു.
ഒടിടി റിലീസ് പ്രമുഖ പ്ലാറ്റ്ഫോം ആയ ഡിസ്നി പ്ലസ് ഹോട്ട്സ്റ്റാറിലൂടെ ആയിരിക്കുമെന്നും ഇന്ത്യ ടൈംസിന്റെ റിപ്പോര്ട്ടില് പറയുന്നു. ഇത് സംബന്ധിച്ച ഔദ്യോഗിക പ്രഖ്യാപനം അടുത്ത ദിവസങ്ങളില് ഉണ്ടാവുമെന്ന് കരുതപ്പെടുന്നു.
ബിഗ് ബജറ്റില്, വലിയ കാന്വാസില് പൂര്ത്തീകരിക്കപ്പെട്ടിരിക്കുന്ന ചിത്രം സീ സ്റ്റുഡിയോസും ദുൽഖറിന്റെ വേഫെറർ ഫിലിംസും ചേര്ന്നാണ് നിര്മ്മിച്ചിരിക്കുന്നത്