കെജിഎഫ് 2 ട്രെയിലര് വിവിധ ഭാഷകളില് റിലീസായി മണിക്കൂറുകള്ക്കകം റെക്കോര്ഡ് കാഴ്ചക്കാരുമായി യൂട്യൂബില് തരംഗമാകുന്നു. വമ്പന് വരവേല്പാണ് കെജിഎഫ് 2 ട്രെയിലറിന് ലഭിച്ചത്. അന്പത് ലക്ഷത്തിലധികം കാഴ്ചക്കാരുമായി കെജിഎഫ് മലയാളം ട്രെയിലര് യൂട്യൂബ് ട്രെന്ഡിംഗ് നമ്പര് വണ്ണായി കുതിക്കുകയാണ്.
ഏപ്രിലില് പതിനാലിനാണ് കെജിഎഫ് 2 ലോകമെമ്പാടും പ്രദര്ശനത്തിനെത്തുന്നത്. യാഷിന് പുറമെ ബോളിവുഡ് താരം സഞ്ജയ് ദത്തും ചിത്രത്തില് പ്രധാന വേഷം ചെയ്യുന്നുണ്ട്. അധീര എന്ന വില്ലന് കഥാപാത്രത്തെയാണ് സഞ്ജയ് ദത്ത് അവതരിപ്പിക്കുന്നത്. രവീണ ടണ്ഡന്, മാളവിക അവിനാഷ്, സൃനിധി ഷെട്ടി എന്നിവരും ചിത്രത്തില് പ്രധാന കഥാപാത്രങ്ങളാണ്. പ്രഖ്യാപന സമയം മുതല് ഏറെ ശ്രദ്ധ ആകര്ഷിച്ച ചിത്രമായിരുന്നു ഇത്. കഴിഞ്ഞ ജനുവരി 7ന് പ്രീമിയര് ചെയ്ത, ചിത്രത്തിന്റെ ടീസറിന് റെക്കോര്ഡ് പ്രതികരണമാണ് യുട്യൂബില് ലഭിച്ചത്.
മലയാളം, ഹിന്ദി, തമിഴ്, കന്നഡ, തെലുങ്ക് ഉള്പ്പടെയുള്ള ഭാഷകളിലാകും സിനിമ റിലീസ് ചെയ്യുക. 2018 ഡിസംബറിലാണ് ചിത്രത്തിന്റെ ആദ്യഭാഗം റിലീസ് ചെയ്തത്. കന്നഡ, തെലുങ്ക്, തമിഴ്, മലയാളം, ഹിന്ദി ഭാഷകളിലായിരുന്നു റിലീസ്. ചിത്രം രണ്ടാഴ്ച കൊണ്ട് 100 കോടി ക്ലബിലെത്തിയിരുന്നു.