കൊച്ചി: കളമശ്ശേരി ബോംബ് സ്ഫോടനത്തില് ഗുരുതരമായി പരിക്കേറ്റ് ചികിത്സയിലായിരുന്ന ഒരാള് കൂടി മരണത്തിന് കീഴടങ്ങി. ചികിത്സയിലായിരുന്ന മലയാറ്റൂര് സ്വദേശിനി സാലി പ്രദീപന് (45) ആണ് മരിച്ചത്. ഇതോടെ കളമശ്ശേരി സ്ഫോടനത്തില് മരിച്ചവരുടെ എണ്ണം അഞ്ചായി.
നേരത്തെ സ്ഫോടനത്തില് മരിച്ച 12വയസുകാരി ലിബ്നയുടെ അമ്മയാണ്. സ്ഫോടനം നടന്നശേഷം അതീവ ഗുരുതരാവസ്ഥയില് കൊച്ചിയിലെ സ്വകാര്യ ആശുപത്രിയില് ചികിത്സയിലായിരുന്നു സാലി. ഇന്നലെ രാത്രിയാണ് മരണത്തിന് കീഴടങ്ങിയത്.
ഇവരുടെ മകന് പ്രവീണ് അതീവ ഗുരുതരാവസ്ഥയില് സ്വകാര്യ ആശുപത്രിയില് ചികിത്സയിലാണ്. സാലിയുടെ മൂത്ത മകന് രാഹുലും ആശുപത്രിയില് ചികിത്സയിലാണ്.
സാലിയും മക്കളായ ലിബ്ന, പ്രവീണ്, രാഹുല് എന്നിവര് ഒന്നിച്ചാണ് കളമശ്ശേരിയിൽ യഹോവയുടെ സാക്ഷികളുടെ സമ്മേളനത്തിന് എത്തിയത്. ഇവിടെയാണ് മതകൂട്ടായ്മക്കെതിരെ അഭിപ്രായ ഭിന്നതയെ തുടർന്ന് ഡൊമിനിക് മാർട്ടിൽ ഐഇഡി സ്ഫോടനകൾ ആസൂത്രണം ചെയ്ത് നടപ്പിലാക്കിയത്. സംഭവത്തിൽ നാലു പേര്ക്കും ഗുരുതരമായി പരിക്കേറ്റിരുന്നു.
95 ശതമാനം പൊള്ളലേറ്റ ലിബ്ന സ്ഫോടനം നടന്ന ദിവസം രാത്രിയിലാണ് മരണത്തിന് കീഴടങ്ങിയത്.