മാവോയിസ്റ്റ് നേതാവ് രൂപേഷിനെതിരെ ചുമത്തിയ യു.എ.പി.എ ഹൈക്കോടതി റദ്ദാക്കി. കുറ്റ്യാടി, വളയം പൊലീസ് സ്റ്റേഷനുകളിലായി രജിസ്റ്റര് ചെയ്ത മൂന്ന് യു.എ.പി.എ കേസുകളാണ് ഹൈക്കോടതി ഡിവിഷന് ബെഞ്ച് റദ്ദാക്കിയത്.
നിരോധിത സംഘടനയുടെ ലഘുലേഖ വിതരണം ചെയ്തുവെന്നാരോപിച്ച് 2013 ല് കുറ്റ്യാടി പൊലീസ് സ്റ്റേഷനില് രണ്ടു കേസുകളും 2014 ല് വളയം പൊലീസ് സ്റ്റേഷനില് ഒരു കേസുമാണ് രൂപേഷിനെതിരെ രജിസ്റ്റര് ചെയ്തിരുന്നത്. യു.എ.പി.എക്ക് പുറമെ രൂപേഷിനെതിരെ രാജ്യദ്രോഹക്കുറ്റവും ചുമത്തിയിരുന്നു. ഇതാണ് ഹൈക്കോടതി റദ്ദാക്കിയത്.
മൂന്നു കേസുകളിലും കുറ്റവിമുക്തനാക്കണമെന്നാവശ്യപ്പെട്ട് രൂപേഷ് നല്കിയ ഹര്ജി നേരത്തെ സിംഗിള് ബെഞ്ച് അനുവദിച്ചിരുന്നു. ഇതിനെതിരെ സംസ്ഥാന സര്ക്കാര് സുപ്രിംകോടതിയെ സമീപിച്ചെങ്കിലും ഹൈക്കോടതി ഡിവിഷന് ബെഞ്ചിനോട് വിഷയം പരിശോധിക്കാന് നിര്ദേശിക്കുകയായിരുന്നു. തുടര്ന്നാണ് കേസില് ഡിവിഷന് ബഞ്ച് വാദം കേട്ട് വിധി പറഞ്ഞത്.