അതൊക്കെ ഒരു കാലം; ഓര്‍മ്മകള്‍ പുതുക്കി നടി മഞ്ജു വാര്യര്‍

മലയാള സിനിമയില്‍ പകരം വെക്കാനില്ലാത്ത നടിയാണ് മഞ്ജു വാര്യര്‍. കലോത്സവവേദികളില്‍ മിന്നുന്ന പ്രകടനം കാഴ്ച്ചവെച്ച താരം പിന്നീട് സിനിമയിലേക്കും എത്തുകയായിരുന്നു. നൃത്തത്തില്‍ കഴിവ് തെളിയിച്ച താരം പിന്നീട് അഭിനയവും തനിക്ക് വഴങ്ങുമെന്ന് തെളിയിച്ചു. ഇപ്പോഴും അഭിനയത്തോടൊപ്പം നൃത്തവും തുടരുന്നുണ്ട് നടി.

ഇപ്പോള്‍ മഞ്ജു വാര്യരുടെ സ്‌കൂള്‍ കാലത്തു നിന്നുള്ള ഏതാനും ചിത്രങ്ങളാണ് ശ്രദ്ധ നേടുന്നത്. കലോത്സവ വേദികളില്‍ താരമായ പഴയ മഞ്ജുവിനെയാണ് ചിത്രങ്ങളില്‍ കാണാനാവുക. ചിത്രത്തില്‍ നടിയെ കാണാന്‍ ക്യൂട്ട് ആണ്. നിമിഷന്നേരം കൊണ്ടാണ് ലേഡി സൂപ്പര്‍സ്റ്റാറിന്റെ ചിത്രങ്ങള്‍ ആരാധകര്‍ ഏറ്റെടുത്തത്. ഇപ്പോള്‍ സോഷ്യല്‍ മീഡിയയില്‍ തരംഗമാവുന്നത് ഈ ചിത്രങ്ങളാണ്. പതിനാലു വര്‍ഷത്തോളം അഭിനയത്തില്‍ നിന്നും വിട്ടുനിന്ന മഞ്ജു വാര്യരുടെ തിരിച്ചുവരവും നൃത്തത്തിലൂടെയായിരുന്നു.

ഒരു പിടി നല്ല ചിത്രങ്ങള്‍ പ്രേക്ഷകര്‍ക്ക് സമ്മാനിച്ച് മലയാള മനസില്‍ ഇടം പിടിച്ച നടിയാണ് മഞ്ജു വാര്യര്‍. തന്റെ ആദ്യ കാലങ്ങളില്‍ തിരക്കുള്ള നടി വിവാഹ ശേഷം സിനിമയില്‍ നിന്നും മാറി നില്‍ക്കുകയായിരുന്നു. പിന്നീട് ശക്തമായ തിരിച് വരവ് തന്നെയാണ് താരം നടത്തിയത്. ഇപ്പോള്‍ പഴയത് പോലെ തിരക്കുള്ള നടിയായി മാറിയിരിക്കുകയാണ് താരം.

ആദ്യകാലം തൊട്ട് മലയാള സിനിമയില്‍ ശ്രദ്ധേയമായ വേഷം ചെയ്ത നടി ഈ പുഴയും കടന്ന് എന്ന ചിത്രത്തിലെ അഭിനയത്തിന് മികച്ച അഭിനേത്രിക്കുള്ള സംസ്ഥാന ചലച്ചിത്ര അവാര്‍ഡ് സ്വന്തമാക്കിയിരുന്നു. പിന്നീട് 1999-ല്‍ കണ്ണെഴുതി പൊട്ടൂം തൊട്ട് എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമര്‍ശവും ലഭിച്ചു.