അന്ന് രാത്രി യഥാർത്ഥത്തിൽ സംഭവിച്ചത് എന്ത്? തങ്ങളിൽ ആരൊക്കെ മദ്യപിച്ചിരുന്നു? മരണത്തിന് കാരണമാക്കിയത് എന്ത്? – ആദ്യമായി വിഷയത്തിൽ പരസ്യ പ്രസ്താവനയുമായി യാഷിക ആനന്ദ്

മലയാളികൾക്ക് അത്ര പരിചയമില്ലാത്ത നടിയാണ് യാഷിക ആനന്ദ്. ഇരുട്ട് അറയിൽ മുരട്ട് കുത്ത് എന്ന സിനിമ കേരളത്തിലും വലിയ വിജയമായിരുന്നു. ഇതിലെ നായിക യാഷിക ആനന്ദ് ആയിരുന്നു. ഇതിനു പുറമേ തമിഴ് ബിഗ് ബോസിലെ മത്സരാർത്ഥി കൂടി ആയിരുന്നു താരം.

എന്നാൽ കഴിഞ്ഞ കുറേ ദിവസങ്ങളായി താരമാണ് മാധ്യമങ്ങളിലെ ചർച്ചാ വിഷയം. കുറച്ചു ദിവസങ്ങൾക്ക് മുൻപ് താരം സഞ്ചരിച്ചിരുന്ന കാർ അപകടത്തിൽ പെടുകയും ഒരു സുഹൃത്ത് തൽക്ഷണം മരിക്കുകയും ചെയ്തിരുന്നു. താരവും മറ്റ് രണ്ടു ആൺ സുഹൃത്തുക്കളും ആശുപത്രിയിൽ ചികിത്സയിലാണ് ഇപ്പോൾ. മഹാബലിപുരത്ത് വച്ചാണ് സംഭവം നടക്കുന്നത്. രാത്രിയായിരുന്നു സംഭവം. നിശാ പാർട്ടി കഴിഞ്ഞു പോകുന്ന വഴിയായിരുന്നു അപകടം എന്നാണ് സൂചനകൾ.

ഈ സംഭവത്തിൽ വലിയ രീതിയിലുള്ള അഭ്യൂഹങ്ങൾ ആയിരുന്നു സമൂഹമാധ്യമങ്ങളിൽ വന്നത്. ഇതിന് പ്രധാനപ്പെട്ട കാരണം ചില ഓൺലൈൻ മാധ്യമങ്ങൾ ആയിരുന്നു. വാർത്തയുടെ നിജസ്ഥിതി എന്താണ് എന്ന് അറിയുന്നതിനു മുൻപ് തന്നെ അവർ പലതരത്തിലുള്ള കഥകൾ പ്രചരിപ്പിച്ചു. യാഷിക മദ്യപിച്ചിരുന്നു എന്നും അതുകൊണ്ടാണ് അപകടം ഉണ്ടാവാൻ കാരണം എന്നുമായിരുന്നു അവരുടെ പ്രചരണം. എന്നാൽ ഇതിനെല്ലാം എതിരെ ഇപ്പോൾ പരസ്യപ്രസ്താവന നടത്തുകയാണ് താരം. ആശുപത്രിയിൽ കഴിയുന്ന താരം ആദ്യമായിട്ടാണ് ഈ വിഷയത്തിൽ പരസ്യ പ്രതികരണം നടത്തുന്നത്. കുറച്ചു ദിവസങ്ങൾക്ക് മുൻപ് നടിക്ക് ബോധം തെളിഞ്ഞപ്പോൾ പോലീസ് വരികയും മൊഴിയെടുക്കുകയും ചെയ്തിരുന്നു.

തൻറെ ആരോഗ്യനില ഇപ്പോൾ മെച്ചപ്പെട്ടു വരികയാണ്. ചില എല്ലിന് പൊട്ടലുകൾ ഉണ്ട്. അതുകൊണ്ട് അടുത്ത 5 മാസത്തേക്ക് ബെഡിൽ നിന്നും പുറത്തിറങ്ങാൻ സാധിക്കില്ല. ഭാഗ്യവശാൽ മുഖത്തിന് പ്രശ്നങ്ങളൊന്നുമില്ല. പ്രാർത്ഥിച്ചവർക്കും കൂടെ നിന്നവർക്കും എല്ലാം നന്ദി. ഞങ്ങളിൽ ഒരാൾ പോലും മദ്യപിച്ചിരുന്നില്ല. അങ്ങനെ ചെയ്തിരുന്നു എങ്കിൽ ഞങ്ങൾ ഇപ്പോൾ പോലീസ് നടപടി നേരിടേണ്ടി വന്നേനെ. പോലീസ് റിപ്പോർട്ടിലോ മെഡിക്കൽ റിപ്പോർട്ടിലോ ഞങ്ങൾ മദ്യപിച്ചതായി എവിടെയും പറയുന്നില്ല. അതുകൊണ്ട് ഓൺലൈൻ മാധ്യമങ്ങൾ നൽകുന്ന വാർത്തകൾ നിങ്ങൾ വിശ്വസിക്കരുത്.. ഇവർക്കെതിരെ നടപടിക്ക് ഒരുങ്ങുകയാണ് ഞാൻ. ബാലൻസ് തെറ്റി കാർ ഡിവൈഡറിൽ ഇടിക്കുകയായിരുന്നു. ഇങ്ങനെയാണ് അപകടം സംഭവിച്ചത്.