റോഡില് നിന്ന് ലഭിച്ച 45 ലക്ഷം രൂപ പൊലീസ് സ്റ്റേഷനില് ഏല്പിച്ച് ട്രാഫിക് കോണ്സ്റ്റബിള്. ഛത്തിസ്ഗഢിലെ റായിപൂരിലാണ് സംഭവം. നിലംബര് സിന്ഹ എന്ന ട്രാഫിക് പൊലീസാണ് റോഡില് നിന്ന് ലഭിച്ച 45 ലക്ഷം രൂപ പൊലീസ് സ്റ്റേഷനില് ഏല്പിച്ച് മാതൃകയായത്.
നവ റായ്പൂരിലെ കായബന്ധ പോസ്റ്റില് ഡ്യൂട്ടിയിലായിരുന്നു നിലംബര്. റോഡില് ഒരു ബാഗ് കിടക്കുന്നതുകണ്ട് പരിശോധിച്ചപ്പോള് 2000ന്റെയും 500ന്റെയും നോട്ടുകള് കണ്ടു. ആകെ 45 ലക്ഷം രൂപ ബാഗിലുണ്ടായിരുന്നു.
ഉടന് തന്നെ നിലംബര് മേലുദ്യോഗസ്ഥരെ വിവരം അറിയിക്കുകയും ബാഗ് സിവില് ലൈന് പൊലീസ് സ്റ്റേഷനില് എത്തിക്കുകയും ചെയ്തു. സിന്ഹയുടെ സത്യസന്ധതയ്ക്ക് മുതിര്ന്ന ഉദ്യോഗസ്ഥര് പാരിതോഷികം പ്രഖ്യാപിച്ചു. പണം ആരുടേതാണെന്നും എങ്ങനെ റോഡില് എത്തിയെന്നും വ്യക്തമല്ല.