സംസ്ഥാനത്ത് പുതുക്കിയ ബസ്, ഓട്ടോ, ടാക്സി നിരക്ക് മെയ് ഒന്ന് മുതല് പ്രാബല്യത്തില്. ഗതാഗതമന്ത്രി ആന്റണി രാജു ആണ് ഇക്കാര്യം അറിയിച്ചത്. വിദ്യാര്ത്ഥികളുടെ കണ്സഷന് വര്ധനയില് നിലവില് സമിതിയെ നിയോഗിച്ചിട്ടില്ല. ഇക്കാര്യത്തില് പിന്നീട് തീരുമാനമുണ്ടാകുമെന്നും മന്ത്രി അറിയിച്ചു.
കെഎസ്ആര്ടിസി സ്വിഫ്റ്റ് അപകടം മാധ്യമങ്ങള് പെരുപ്പിച്ചതാണ്. ചെറിയ അപകടങ്ങളാണ് ഉണ്ടായത്. എന്നാല് ജാഗ്രത പുലര്ത്തുണമെന്ന് നിര്ദേശം നല്കിയിട്ടുണ്ട്. ദുരൂഹത ഉണ്ടെങ്കില് അന്വേഷിക്കുമെന്നും മന്ത്രി മാധ്യമങ്ങളോട് പറഞ്ഞു.
ധനകാര്യ വകുപ്പില് നിന്ന് ക്ലിയറന്സ് കിട്ടിയാല് കെഎസ്ആര്ടിസിയില് ഉടന് ശമ്പളം നല്കും. ധനകാര്യ വകുപ്പിനെ ഗതാഗത വകുപ്പ് സമീപിച്ചിട്ടുണ്ട്. നിലവില് ശമ്പള പ്രതിസന്ധിയുണ്ട്. ഒരു മാസം അധികമായി 40 കോടി രൂപ കണ്ടെത്തേണ്ട സ്ഥിതിയാണുള്ളതെന്നും മന്ത്രി അറിയിച്ചു.