സിനിമയിലും സീരിയലിലും സജീവമാണ് നടി സീമ ജി നായര്. എന്നും ശ്രദ്ധിക്കപ്പെടുന്ന കഥാപാത്രങ്ങളില് ആയിരുന്നു സീമ എത്തിയിരുന്നത്. അഭിനയത്തിനു പുറമേ അവശത അനുഭവിക്കുന്നവരെ സഹായിക്കാനും സീമ മുന്നില് തന്നെ ഉണ്ടായിരുന്നു. സോഷ്യല് മീഡിയയില് സജീവമായ സീമ മാതൃദിനത്തില് അമ്മയെക്കുറിച്ച് പറഞ്ഞുകൊണ്ടുള്ള കുറിപ്പ് പങ്കുവെച്ചിരിക്കുകയാണ്.
മാതൃദിനത്തില് അമ്മയെക്കുറിച്ച് ഹൃദയസ്പര്ശിയായ കുറിപ്പുമായെത്തിയിരിക്കുകയാണ് സീമ. എല്ലാവർക്കും നല്ലൊരു ദിവസം നേരുന്നു.. ഇന്ന് മദർസ് ഡേ (അമ്മമാരുടെ ദിവസം ). അമ്മമാർക്ക് അങ്ങനെയൊരു ദിവസം ഉണ്ടോ. എന്നും അമ്മമാരുടെ ദിവസം ആണ്.
മാതാ പിതാ ഗുരു ദൈവം എന്ന് പറയുമ്പോൾ. അമ്മയിൽ നിന്നാണ് തുടങ്ങുന്നത്. എല്ലാം അമ്മയിൽ നിന്നാണ് തുടങ്ങുന്നത്. എന്റെ ജീവിതത്തിൽ അമ്മയുടെ സാന്നിധ്യം ഏറ്റവും കൂടുതൽ വേണ്ടിയിരുന്ന അവസരത്തിൽ ആണ് ക്യാൻസറിന്റെ പിടിയിൽ അമ്മയുടെ ജീവൻ നഷ്ടപ്പെടുന്നത്.
കഠിനമായ വഴികളിലൂടെ ഞാൻ നടന്നു നീങ്ങുമ്പോൾ ആ നെഞ്ചിൽ ഒന്ന് ചേർന്നിരിക്കാൻ, അമ്മയുടെ തലോടൽ ഒന്നേൽക്കാൻ, മനസിലെ വിഷമങ്ങൾ പറഞ്ഞു തീർക്കാൻ ഒന്ന് പൊട്ടിക്കരയാൻ അമ്മയുണ്ടായിരുന്നില്ല. അമ്മ ഇല്ലാതെ വരുമ്പോൾ ആണ് ആ ശൂന്യത എത്രത്തോളം വലുതാണെന്നറിയുന്നത്. അമ്മയല്ലാതൊരു ദൈവമില്ല. അമ്മയുടെ ത്യാഗത്തോളം വലുതൊന്നുമില്ല. അമ്മയെ ഓർക്കാതെ ഒരു നിമിഷം എന്റെ ജീവിതത്തിൽ കടന്നുപോവുന്നില്ല. അമ്മയുടെ മകളായി ജനിച്ച അഭിമാനത്തിൽ നിർത്തുന്നു. ലോകത്തുള്ള എല്ലാ അമ്മമാർക്കും നല്ലൊരു ദിവസം ആശംസിക്കുന്നു. ആദ്യ ചിത്രത്തിൽ അമ്മ, രണ്ടാമത്തെ ചിത്രത്തിൽ അപ്പൂന് 28 ദിവസം പ്രായം ഉള്ളപ്പോ എടുത്തത് എന്നുമായിരുന്നു സീമ ജി നായർ കുറിച്ചത്.