മറ്റൊരു മാന്യമായ ക്ലബ്ബിൽ അംഗം, ഇതിൽ നിന്നും രാജിവെക്കാൻ ആഗ്രഹിക്കുന്നു. അംഗത്വ ഫീസ് തിരിച്ചു തരണമെന്ന് ആവശ്യപ്പെട്ടു താരസംഘടന നേതൃത്വത്തിന് കത്തയച്ചു ജോയിമാത്യു.

താര സംഘടനയിൽ നിന്നും വാങ്ങിയ അംഗത്വഫീസ് തിരിച്ചു വേണമെന്ന് ആവശ്യപ്പെട്ട് നേതൃത്വത്തിന് കത്ത് അയച്ചിരിക്കുകയാണ് നടൻ ജോയ്മാത്യു. ഈ കഴിഞ്ഞ ദിവസമാണ് സംഘടനയുടെ ജനറൽ സെക്രട്ടറി ഇടവേള ബാബു എ എം എം എ ഒരു ക്ലബ് ആണ് എന്നുള്ള പരാമർശം നടത്തിയത്. ഈ പരാമർശത്തിനെതിരെ യാണ് ഇപ്പോൾ ഇദ്ദേഹം കത്തയച്ചിരിക്കുന്നത്. ഇദ്ദേഹം അയച്ച കത്തിന് പൂർണ്ണരൂപം ഇങ്ങനെ.

‘കഴിഞ്ഞ ദിവസം നടന്ന ‘അമ്മ’യുടെ ജനറല്‍ ബോഡി മീറ്ററിംഗില്‍ തൊഴില്‍പരമായ ബാധ്യതകളാല്‍ എനിക്ക് പങ്കെടുക്കാന്‍ കഴിഞ്ഞില്ല. അന്നേ ദിവസം നടന്ന പത്ര സമ്മേളനത്തില്‍ താങ്കള്‍ ‘അമ്മ’ ഒരു ക്ലബ്ബ് ആണെന്നും അതിന്റെ പ്രവര്‍ത്തനങ്ങള്‍ ആ രീതിയിലാണെന്നും പറയുന്നത് കേട്ടു.

‘അമ്മ’ എന്ന സംഘടന അതിലെ അംഗങ്ങളുടെ ക്ഷേമം മുന്‍നിര്‍ത്തി പ്രവര്‍ത്തിക്കുന്ന ഒരു സംഘടനയാണെന്നാണ് അറിവ്.ക്ലബിന്റെ പ്രവര്‍ത്തന രീതിയും ചാരിറ്റബിള്‍ സൊസൈറ്റി ആക്ട് പ്രകാരം പ്രവര്‍ത്തിക്കുന്ന സംഘടനയും രണ്ടാണല്ലോ. നിലവില്‍ മാന്യമായ മറ്റൊരു ക്ലബ്ബില്‍ അംഗത്വം ഉള്ള എനിക്കുള്ള സ്ഥിതിക്ക് ‘അമ്മ’ എന്ന ക്ലബ്ബില്‍കൂടി ഒരു അംഗത്വം ഞാന്‍ അഗ്രഹിക്കുന്നില്ല എന്നറിയിക്കട്ടെ.

ആയത് കൊണ്ട് ക്ലബ്ബ് എന്ന പദപ്രയോഗം തിരുത്തുകയോ അല്ലാത്തപക്ഷം എന്നെ തെറ്റിദ്ധരിപ്പിച്ചു വാങ്ങിയ അംഗത്വഫീസ് തിരിച്ചു തരികയോ വേണം എന്ന് അപേക്ഷിക്കുന്നു.’