ഈ കഴിഞ്ഞ ദിവസം മുസ്ലിം ലീഗ് നേതാവായ എം കെ മുനീർ നടത്തിയ ചില പരാമർശങ്ങൾ ഏറെ ശ്രദ്ധ നേടിയിരുന്നു. സർക്കാർ സ്കൂളുകളിൽ നടപ്പിലാക്കാൻ ഒരുങ്ങുന്ന ജെൻഡർ ന്യൂട്രാലിറ്റി നീക്കങ്ങളെ പരിഹസിച്ചു കൊണ്ടാണ് മുനീർ രംഗത്ത് വന്നത്. പിണറായി സാരി ധരിക്കണം എന്നുള്ള രീതിയിലും ഇദ്ദേഹം പരാമർശം നടത്തിയിരുന്നു. ഇദ്ദേഹത്തിൻറെ വാദങ്ങൾ സാമൂഹ്യ മാധ്യമങ്ങളിൽ വൈറലാവുകയും ചെയ്തു.
![](https://ml.mixindia.com/wp-content/uploads/2022/08/harees-1024x538-1.jpg)
ഇപ്പോഴിതാ ഈ പരാമർശങ്ങൾക്കെതിരെ രംഗത്ത് വന്നിരിക്കുകയാണ് നടൻ ഹരീഷ് പേരടി. കടുത്ത പരിഹാസമാണ് ഇദ്ദേഹം ഉന്നയിക്കുന്നത്. പിണറായിയോട് സാരി ധരിക്കാനുള്ള ആശയം നല്ലതാണ് എന്നും എന്നാൽ അതിനു മുൻപ് മുനീറും മറ്റ് അനുയായികളും പർദ്ദ ധരിച്ചാൽ അത് കൂടുതൽ പുരോഗപരം ആവും എന്നും ഇദ്ദേഹം പറയുന്നു. സാമൂഹ്യമാധ്യമത്തിൽ ഹരീഷ് റെഡിയെ കുറിച്ച് കുറിപ്പ് ഇങ്ങനെ.
‘പിണറായി സാരി ധരിച്ചാല് എന്താണ് കുഴപ്പം?’; ജെന്ഡര് ന്യൂട്രാലിറ്റിക്കെതിരെ വിചിത്ര വാദങ്ങളുമായി എംകെ മുനീര്….പിണറായിയോട് സാരി ധരിക്കാനുള്ള ആശയം നല്ലതാണ്…പുരോഗമനപരമാണ്..പക്ഷെ അതിനുമുമ്പ് മുനീർ എന്ന പുരുഷനും മറ്റ് പുരുഷ അനുയായികളും പർദ്ധ ധരിച്ചാൽ അത് കൂടുതൽ പുരോഗമനപരമാവും…മാതൃകാപരമാവും.
ലിങ്ക സമത്വം നടപ്പിലാക്കുന്നതിന് വേണ്ടി കേരള സംസ്ഥാന സർക്കാർ വിദ്യാഭ്യാസ മേഖലയിൽ നടത്തുന്ന ചില പ്രവർത്തനങ്ങൾക്കെതിരെയാണ് മുനീർ രംഗത്ത് വന്നത്. ജെൻഡർ ന്യൂട്രാലിറ്റി എന്ന പേരിൽ സ്കൂളുകളിൽ മതനിഷേധം നടപ്പിലാക്കാനാണ് സിപിഎം ശ്രമിക്കുന്നത് എന്നും ഇദ്ദേഹം ആരോപിച്ചു. കുറച്ചു മുൻപാണ് ബാലുശ്ശേരിയിലെ ഒരു സ്കൂളിൽ ലിംഗ സമത്വ യൂണിഫോം നിലവിൽ കൊണ്ടുവന്നത്. ദേശീയതലത്തിൽ വരെ മാധ്യമങ്ങൾ ഇതിനെപ്പറ്റി ചർച്ച ചെയ്തിരുന്നു. ഇത് ചൂണ്ടിക്കാണിച്ചായിരുന്നു മുനീർ പ്രതികരിച്ചത്.