തന്റെ മേക്കപ്പ് സാധനങ്ങള് ഭര്തൃമാതാവ് ഉപയോഗിക്കുന്നതിനെ തുടര്ന്നുണ്ടായ തര്ക്കത്തില് ഭര്ത്താവില് നിന്നും വിവാഹ മോചനം ആവശ്യപ്പെട്ട് യുവതി. ആഗ്രയിലെ മാല്പ്പുരയില് നിന്നാണ് ഈ വാര്ത്ത എത്തുന്നത്.
താന് വീട്ടില് ഇല്ലാത്ത സമയം ഭര്തൃമാതാവ് തന്റെ മേക്കപ്പ് സാധനങ്ങള് ഉപയോഗിച്ചതായും ഇത് ചോദ്യം ചെയ്തപ്പോള് ഭര്തൃമാതാവ് തന്നെ വീട്ടില് നിന്ന് ഇറക്കി വിടുകയും ചെയ്തതായാണ് യുവതി പറയുന്നത്.
ഭര്തൃമാതാവ് കാര്യം മകനോടും പറയുകയും ഇതിന്റെ പേരില് ഭര്ത്താവ് തന്നെ ഉപദ്രവിച്ചതായും യുവതിയുടെ പരാതിയിലുണ്ട്.
അമ്മ പറയുന്നത് മാത്രം കേള്ക്കുന്ന മകന് തന്നെ ഗാര്ഹിക പീഡനത്തിന് ഇരയാക്കുന്നു. അതിനാല് വിവാഹമോചനം വേണം എന്നാണ് യുവതി പരാതിയില് പറയുന്നത്.
അമ്മായിയമ്മ മേക്കപ്പ് സാധനങ്ങള് അനുവാദം ഇല്ലാതെ ഉപയോഗിക്കുന്നത് കണ്ടുപിടിക്കുന്നതുവരെ കുടുംബ ജീവിതത്തില് പ്രശ്നങ്ങള് ഒന്നും ഉണ്ടായിരുന്നില്ലെന്ന് യുവതി ആഗ്ര പൊലീസിന് നല്കിയ പരാതിയില് പറയുന്നു.
എട്ട് മാസം മുന്പാണ് പരാതിക്കാരിയായ യുവതിയും സഹോദരിയും രണ്ട് സഹോദരന്മാരെ വിവാഹം കഴിച്ചത്. താന് വീട്ടില് ഇല്ലാത്ത സമയം ഭര്തൃമാതാവ് തന്റെ മേക്കപ്പ് സാധനങ്ങള് ഉപയോഗിച്ചതായും ഇത് ചോദ്യം ചെയ്തപ്പോള് തന്നെയും സഹോദരിയേയും വീട്ടില് നിന്ന് ഇറക്കി വിടുകയും ചെയ്തതായാണ് യുവതി പറയുന്നത്.