കൊല്ലം: കൊല്ലത്ത് വയോധികയെ അതിക്രൂരമായി മര്ദ്ദിച്ച സംഭവത്തില് പ്രതിയായ മരുമകള് മഞ്ജുമോള് തോമസിനെ റിമാന്ഡ് ചെയ്തു. 14 ദിവസത്തേക്കാണ് കോടതി റിമാന്ഡ് ചെയ്തത്.
പ്രതിയുടെ ജാമ്യാപേക്ഷ തള്ളിക്കൊണ്ടാണ് പ്രതിയെ കോടതി റിമാന്ഡ് ചെയ്തത്. തുടര്ന്ന് പ്രതിയായ മഞ്ജുമോളെ തിരുവനന്തപുരം അട്ടക്കുളങ്ങര വനിതാ ജയിലിലേക്ക് മാറ്റി.
മക്കളെ പരിചരിക്കാനായി ജാമ്യം വേണമെന്നായിരുന്നു ജാമ്യാപേക്ഷയില് പറഞ്ഞിരുന്നത്. എന്നാല്, കോടതി ഇത് പരിഗണിച്ചില്ല.
കഴിഞ്ഞ ദിവസം അമ്മായി അമ്മയായ വയോധികയെ മരുമകള് മഞ്ജു ക്രൂരമായി മര്ദ്ദിക്കുന്ന ദൃശ്യങ്ങള് പുറത്ത് വന്നിരുന്നു. സോഫയില് നിന്നും തള്ളി താഴെയിടുകയും ഇരുമ്പ് വടികൊണ്ട് അടിക്കുകയും ചെയ്യുന്ന വീഡിയോ വൈറലായിരുന്നു.
പിന്നാലെ സംഭവത്തില് കേസെടുത്ത പൊലീസ് പ്രതിയായ മഞ്ജുവിനെ അറസ്റ്റ് ചെയ്ത് ഇന്ന് ഉച്ചയ്ക്കുശേഷം കോടതിയില് ഹാജരാക്കുകയായിരുന്നു.