ലോക്ഡൗണ് നിലനില്ക്കുന്ന സാഹചര്യത്തിലും ഓണം ആഘോഷിക്കുകയാണ് മലയാളികള്. അതിനൊപ്പം ചില സന്തോഷ വാര്ത്തകളും പ്രേക്ഷകരെ തേടി എത്തുകയാണ്. നടിയും അവതാരകയുമായ പേളി മാണി അമ്മയാവാന് പോവുന്ന കാര്യം അടുത്തിടെയാണ് വെളിപ്പെടുത്തിയത്. അതുപോലെ ബോളിവുഡില് നടി കരീന കപൂറും ഗര്ഭിണിയാണെന്ന് തുറന്ന് പറഞ്ഞിരുന്നു.
മലയാള സിനിമയില് നിന്നുള്ള ഒരു താരദമ്പതിമാര് കൂടി കുഞ്ഞതിഥി വരുന്ന സന്തോഷത്തിലാണെന്നാണ് അറിയുന്നത്. നടന് വിഷ്ണു ഉണ്ണികൃഷ്ണനാണ് ഇക്കൊല്ലത്തെ ഓണം ഇതുവരെ ഉള്ളതിലും സ്പെഷ്യലായി മാറിയിരിക്കുന്നത്. വിവാഹം കഴിഞ്ഞിട്ടുള്ള ആദ്യ ഓണം എന്ന് മാത്രമല്ല കുഞ്ഞതിഥി കൂടി വരാന് പോവുകയാണെന്നാണ് താരം പറയുന്നത്.