ഇതിഹാസ സംവിധായകൻ മണി രത്നം സംവിധാനം ചെയ്യുന്ന ഏറ്റവും പുതിയ ചിത്രമാണ് പൊന്നിയിൻ സെൽവൻ. ഇദ്ദേഹത്തിൻറെ സ്വപ്ന പ്രോജക്ട് എന്ന് വിശേഷണമുള്ള ചിത്രമാണ് ഇത്. ചിത്രത്തിൽ വമ്പൻ താരനിരയാണ് അണിനിരക്കുന്നത്. ബോളിവുഡിൽ നിന്നും തെന്നിന്ത്യയിൽ നിന്നും എല്ലാം മുൻ നിര താരങ്ങൾ ചിത്രത്തിൽ അഭിനയിക്കുന്നുണ്ട്.
ചിത്രത്തിൽ പ്രശസ്ത തമിഴ് നടൻ വിക്രം ഒരു പ്രധാന വേഷത്തിൽ എത്തുന്നുണ്ട്. ആദിത്യ കരി കാലൻ എന്ന വേഷമാണ് ഇദ്ദേഹം അവതരിപ്പിക്കുന്നത്. ഇതിൻറെ ഫസ്റ്റ് ലുക്ക് പോസ്റ്റർ പുറത്തിറങ്ങിയിരിക്കുകയാണ്. വളരെ പെട്ടെന്നാണ് ചിത്രങ്ങൾ ഇപ്പോൾ വൈറൽ ആവുന്നത്. കൽക്കി കൃഷ്ണമൂർത്തിയുടെ ഇതേ പേരിലുള്ള തമിഴ് നോവലിനെ ആസ്പദമാക്കിയാണ് ചിത്രം ഒരുങ്ങുന്നത്.
ചോള രാജാവായിരുന്ന അരുൾമുഴി വർണ്ണനെ കുറിച്ചുള്ളതാണ് ഈ നോവൽ. തമിഴ് സാഹിത്യത്തിലെ മഹത്തായ ചരിത്ര നോവൽ ആയിട്ടാണ് ഇതിനെ കണക്കാക്കപ്പെടുന്നത്. ചിത്രത്തിൽ ഐശ്വര്യ റായി, കാർത്തി, ജയം രവി, തൃഷ, ഐശ്വര്യ ലക്ഷ്മി, ശോഭിത ദുലിപാല തുടങ്ങി വലിയ താരനിര തന്നെ ഉണ്ട്. എ ആർ റഹ്മാനാണ് ചിത്രത്തിന് സംഗീതം ഒരുക്കുന്നത്. രവിവർമ്മൻ ആണ് ചിത്രത്തിന് ചായാഗ്രഹണം നിർവഹിക്കുന്നത്.
തിരക്കഥ തയ്യാറാക്കിയിരിക്കുന്നത് ഇളങ്കോ കുമാരവേൽ ആണ്. മണ്ണിരത്നം, ലൈക പ്രൊഡക്ഷൻസ് ചേർന്നാണ് ചിത്രം നിർമ്മിക്കുന്നത്. സെപ്റ്റംബർ 30ന് ചിത്രം പ്രദർശനത്തിന് എത്തും എന്നാണ് സൂചന. അഞ്ചു ഭാഗങ്ങൾ ഉള്ള ഈ നോവൽ രണ്ടു ഭാഗങ്ങൾ ആയിട്ടാണ് ചലച്ചിത്രമാകുന്നത്.