തൃശൂര്: കേരളത്തില് ബിജെപിയുടെയും ആര്എസ്എസിന്റെയും വര്ഗീയ വിഷവിത്തുകള് മുളയ്ക്കില്ല. ബിജെപിയെ ഭയക്കുന്നില്ലെന്നും ടിഎന് പ്രതാപന് എം പി.
ആറ് കൊല്ലം രാജ്യസഭാ എംപിയായിരുന്ന സുരേഷ് ഗോപി തൃശൂരിന് വേണ്ടി എന്താണ് ചെയ്തതെന്ന് പറയണമെന്നും ടി എന് പ്രതാപന് എംപി ചോദിച്ചു.
ഒരഞ്ച് വര്ഷത്തേക്ക് അവസരം തരൂ, തൃശൂര് തന്നാല്പ്പോരാ കേരളം തരണം എന്ന് സുരേഷ് ഗോപി ആവശ്യപ്പെട്ടിരുന്നു. ഈ പരാമര്ശത്തിനോട് പ്രതികരിക്കുകയായിരുന്നു ടിഎന് പ്രതാപന് .
‘ഇത് കേരളമാണ്. ദൈവത്തിന്റെ സ്വന്തം നാടാണ്. കേരളത്തിലെ ജനങ്ങളെ ബി ജെ പിയും ആര് എസ് എസും ഇതുവരെ തിരിച്ചറിഞ്ഞിട്ടില്ല. ഇത് മതേതരത്വത്തിന്റെ മണ്ണാണ്. വര്ഗീയ വിഷത്തിന്റെ വിത്ത് മുളയ്ക്കുന്ന സ്ഥലമല്ലിത്.
കേരളമങ്ങനെ ബി ജെ പിക്ക് എടുക്കാന് പറ്റില്ല. ബി ജെ പിക്ക് കൊണ്ടുപോവാനും പറ്റില്ല. ആറ് കൊല്ലം രാജ്യസഭാംഗങ്ങള് ആയിരുന്ന ആളുകളുണ്ട്. എന്താണ് ആറ് കൊല്ലത്തിനിടെ തൃശൂരിന് വേണ്ടി ചെയ്തത്?’- ടി എന് പ്രതാപന് പ്രതികരിച്ചു.