മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാൾ ആണ് ധ്യാൻ ശ്രീനിവാസൻ. ശ്രീനിവാസന്റെ മകൻ എന്ന ലേബലിൽ ആണ് ഇദ്ദേഹം സിനിമ മേഖലയിൽ എത്തിയത്. എന്നാൽ ഇന്ന് മലയാള സിനിമയിലെ അറിയപ്പെടുന്ന നടനും സംവിധായകനും ആണ് ഇദ്ദേഹം. ധാരാളം ആരാധകരെയാണ് ഇദ്ദേഹം ഇദ്ദേഹത്തിൻറെ സിനിമകളിലൂടെയും അഭിമുഖങ്ങളിലൂടെയും സ്വന്തമാക്കിയിട്ടുള്ളത്.
അംഗത്വ മാനദണ്ഡങ്ങൾ കർശനമാക്കിയിരിക്കുകയാണ് താര സംഘടനയായ അമ്മ ഇപ്പോ. സിനിമയിൽ വെറുതെ മുഖം കാണിച്ചു പോകുന്നവർക്ക് ഇനി അംഗത്വം നൽകേണ്ട എന്നാണ് തീരുമാനം. പ്രശ്നക്കാർക്ക് അംഗത്വം നൽകുന്ന കാര്യത്തിൽ ചർച്ച ചെയ്ത് തീരുമാനം എടുക്കും എന്നും ആണ് ഇപ്പോൾ അമ്മയുടെ ജനറൽ സെക്രട്ടറി കൂടി ആയിട്ടുള്ള ഇടവേള ബാബു മാധ്യമങ്ങളെ അറിയിച്ചിരിക്കുന്നത്.
അതേസമയം ഇത്തവണ പരിഗണിക്കുവാൻ 25 അപേക്ഷകളാണ് പുതുതായി ലഭിച്ചിട്ടുള്ളത്. പ്രശ്നമില്ലെന്ന് തോന്നിയാൽ 12 പേർക്ക് അംഗത്വം നൽകിയിട്ടുണ്ട്. ഈ 12 പേരിൽ ഒരാൾ ആണ് ധ്യാൻ ശ്രീനിവാസൻ. ബാക്കിയുള്ള അപേക്ഷകൾ ചർച്ച ചെയ്യുവാൻ വേണ്ടി മാറ്റിവെച്ചിരിക്കുകയാണ്.
നിർമ്മാതാക്കളുമായുള്ള നിസ്സഹകരണം കാരണം നടപടി നേരിടുന്ന നടനാണ് ശ്രീനാഥ് ഭാസി. ഇദ്ദേഹത്തിൻറെ അപേക്ഷയും ഈ കൂട്ടത്തിൽ ഉണ്ട് എന്നാണ് ഇടവേള ബാബു പറഞ്ഞിരിക്കുന്നത്. അതേസമയം പ്രശ്നക്കാരായ താരങ്ങൾക്ക് അംഗത്വം നൽകാതിരുന്നാൽ ഭാവിയിൽ സംഘടനയ്ക്ക് പ്രശ്നങ്ങൾ ഒന്നും നേരിടേണ്ടി വരില്ല എന്നാണ് ഇപ്പോൾ പ്രേക്ഷകർ ഇദ്ദേഹത്തെ ഓർമിപ്പിക്കുന്നത്.