സൗരവ് ഗാംഗുലി ബിസിസിഐ പ്രസിഡന്റ് സ്ഥാനം രാജിവച്ചേക്കുമെന്ന് റിപ്പോര്ട്ട്. ഗാംഗുലി പങ്കുവച്ച ഒരു ട്വീറ്റാണ് ബിസിസിഐ പ്രസിഡന്റ് സ്ഥാനം രാജിവച്ചേക്കുമെന്ന സൂചന നല്കുന്നത്.
1992ല് തുടങ്ങിയ തന്റെ ക്രിക്കറ്റ് യാത്ര 2002ലെത്തുമ്പോള് 30-ാം വര്ഷത്തിലെത്തിയിരിക്കുന്നുവെന്ന് സൗരവ് ഗാംഗുലി പറഞ്ഞു. ക്രിക്കറ്റ് തനിക്ക് ഒരുപാട് കാര്യങ്ങള് നല്കി. അതിലേറ്റവും പ്രധാനം നിങ്ങളുടെ എല്ലാവരുടെയും പിന്തുണയാണ്. തന്റെ ഈ യാത്രയില് പിന്തുണക്കുകയും എന്നെ ഈ നിലയിലെത്താന് പ്രാപ്തനാക്കുകയും ചെയ്ത ഓരോരുത്തര്ക്കും നന്ദി പറയുന്നതായും ഗാംഗുലി പറഞ്ഞു.
ഒരുപാട് പേര്ക്ക് സഹായകരമാകുന്ന പുതിയൊരു സംരംഭം തുടങ്ങാനാണ് ഇനി താന് ആലോചിക്കുന്നത്. തന്റെ ജീവിതത്തിന്റെ പുതിയ അധ്യായത്തില് എല്ലാവരുടെയും പിന്തുണ ഉണ്ടാവുമെന്ന് പ്രതീക്ഷിക്കുന്നുവെന്നും ഗാംഗുലി കുറിച്ചു. അതേസമയം, ഗാംഗുലി ബിസിസിഐ പ്രസിഡന്റ് സ്ഥാനം രാജിവയ്ക്കുന്ന കാര്യത്തില് ഔദ്യോഗിക സ്ഥിരീകരണമില്ല.