നഷ്ടത്തിന്റെ വേദനകാരണം എല്ലാ ആഘോഷങ്ങളും ചുരുക്കുന്നു; ദീപാവലി ആഘോഷത്തില്‍ നിന്നും മാറി നിന്ന് സമാന്ത

നാഗചൈതന്യയും സാമന്തയും തമ്മിലുള്ള വിവാഹമോചന വാര്‍ത്ത ആരാധകര്‍ക്ക് ഇന്നും ഉള്‍ക്കൊള്ളാന്‍ കഴിഞ്ഞിട്ടില്ല. ഏഴു വര്‍ഷത്തെ പ്രണയത്തിനു ശേഷം ആണ് ഇവര്‍ ഒന്നായത്. അതിഗംഭീരമായിട്ടായിരുന്നു ഇവരുടെ വിവാഹ ചടങ്ങുകള്‍ എല്ലാം നടത്തിയിരുന്നത്. നാലുവര്‍ഷത്തോളം വളരെ സന്തോഷത്തോടെ കൂടിയായിരുന്നു ഈ ദമ്പതികള്‍ ജീവിച്ചത്. പിന്നെ ഇവര്‍ക്കിടയിലേക്ക് എന്താണ് പ്രശ്‌നം ഉണ്ടായതെന്ന് ഇന്നും വ്യക്തമല്ല.

ഇന്‍സ്റ്റഗ്രാമില്‍ നിന്നും തന്റെ പേരില്‍ സാമന്ത മാറ്റം വരുത്തിയതോടെയാണ് ഇവര്‍ക്ക് നേരെയുള്ള ഗോസിപ്പ് ഉയരാന്‍ തുടങ്ങിയത് , എന്നാല്‍ അപ്പോഴും വാര്‍ത്ത സത്യം ആയിരിക്കരുത് എന്നാണ് ആരാധകര്‍ ആഗ്രഹിച്ചത് . എന്നാല്‍ പിന്നീട് സാമന്ത തന്നെ വിവാഹമോചനത്തെക്കുറിച്ച് പറയുകയായിരുന്നു. പിന്നീട്
നാഗചൈതന്യയും ഇതേക്കുറിച്ച് വെളിപ്പെടുത്തി.

വിവാഹ മോചനം പ്രഖ്യാപിച്ചതിനു പിന്നാലെ സാമന്ത സുഹൃത്തുക്കള്‍ക്കൊപ്പം ഹിമാലയന്‍ യാത്ര നടത്തിയ ചിത്രങ്ങളെല്ലാം സോഷ്യല്‍ മീഡിയയില്‍ പോസ്റ്റ് ചെയ്തിരുന്നു. ഇപ്പോഴിതാ മറ്റു ചില ചിത്രങ്ങളാണ് സാമന്ത പോസ്റ്റ് ചെയ്തത്. ദീപാവലി ഗംഭീരമായി ആഘോഷിക്കാറുള്ള സാമന്ത ഇത്തവണ വളരെ ലളിതമായിട്ടായിരുന്നു ആഘോഷങ്ങള്‍ നടത്തിയത്. ഈ വര്‍ഷത്തെ ദീപാവലി ആഘോഷത്തിന് വെളിച്ചം കുറവായിരുന്നുവെന്നും സാമന്ത ഇന്‍സ്റ്റഗ്രാം പോസ്റ്റില്‍ പറയുന്നു. തന്റെ പെറ്റ്‌സ് ടോഗുകള്‍ക്കൊപ്പം ഉള്ള ഫോട്ടോകളും നടി പങ്കുവെച്ചിട്ടുണ്ട്.

‘ഈ വര്‍ഷം വീട്ടില്‍ ദീപാവലി വിളക്കുകള്‍ കൊളുത്തിയില്ല. മധുരപലഹാരങ്ങള്‍ക്ക് മധുരം കുറവായിരുന്നു. ഈ വര്‍ഷത്തിന്റെ തുടക്കത്തില്‍ സംഭവിച്ച നഷ്ടത്തിന്റെ വേദനകാരണം എല്ലാ ആഘോഷങ്ങളും ചുരുക്കുന്നു. ഞങ്ങള്‍ക്ക് അറിയാം, ഈ വേദന വൈകാതെ സന്തോഷത്തിലേക്ക് പോകും, ഞങ്ങളില്‍ നിങ്ങള്‍ക്ക് വീണ്ടും സന്തോഷം കാണാം എന്ന് പ്രതീക്ഷിക്കുന്നു’ എന്നാണ് സമാന്തയയുടെ ഇന്‍സ്റ്റഗ്രാം സ്റ്റോറി.