നടി മീനയും അമ്മയും മോശമായി പെരുമാറി, പരാതിയുമായി നിർമാതാവ് – മീനയുടെ തനിനിറം പുറത്തുവന്നെന്നു ഒരു വിഭാഗം, ഇയാളെ വിശ്വസിക്കാൻ കൊള്ളില്ലെന്ന് മറ്റൊരു വിഭാഗം

മലയാളികൾക്ക് ഏറെ പ്രിയപ്പെട്ട താരങ്ങളിൽ ഒരാളാണ് മീന. ഒരുകാലത്ത് തെന്നിന്ത്യൻ സിനിമകളിൽ നിറഞ്ഞുനിന്നിരുന്ന താരങ്ങളിൽ ഒരാളായിരുന്നു ഇവർ. എല്ലാ ഭാഷകളിലും ഇവർ അഭിനയിച്ചിട്ടുണ്ട് എങ്കിലും മറ്റുള്ള ഭാഷകളിൽ നിന്നും ഇവർക്ക് ലഭിച്ചത് ഗ്ലാമർ വേഷങ്ങൾ മാത്രമായിരുന്നു. അഭിനയ പ്രാധാന്യമുള്ള വേഷങ്ങൾ ഇവർക്ക് ലഭിച്ചത് മലയാളം സിനിമയിൽ നിന്നാണെന്ന് നിസംശയം പറയാം.

അതേസമയം വളരെ സൗമ്യമായി മാത്രമാണ് ഇവർ എപ്പോഴും സംസാരിക്കാറുള്ളത്. ഇപ്പോൾ ഇവരുടെയും ഇവരുടെ അമ്മയുടെയും അടുത്തുനിന്നും നേരിട്ട് ഒരു മോശം അനുഭവം വെളിപ്പെടുത്തുകയാണ് നിർമ്മാതാവ് മാണിക്യം നാരായണൻ. തമിഴ് സിനിമയിലെ ഒരു കാലത്തെ പ്രമുഖ നിർമ്മാതാക്കളിൽ ഒരാളായിരുന്നു ഇദ്ദേഹം. ഇദ്ദേഹം അടുത്തിടെ നൽകിയ ഒരു അഭിമുഖത്തിലാണ് ഇദ്ദേഹം ഈ കാര്യങ്ങൾ എല്ലാം തന്നെ തുറന്നു പറഞ്ഞത്.

“ഒരിക്കൽ ഒരു പരിപാടിയുടെ അവതാരിക ആവാൻ ഞാൻ അവരെ ക്ഷണിച്ചു. നടിയും അവരുടെ അമ്മയും വളരെ മോശമായ ഭാഷയിലാണ് സംസാരിച്ചത്. എനിക്ക് അവരോട് ഒരു കാര്യമാണ് ചോദിക്കാനുള്ളത്. ഞാനൊരു പ്രൊഡ്യൂസർ ആണ്, എന്നെപ്പോലെയുള്ള പ്രൊഡ്യൂസർമാരെ അവർക്കാണ് ആവശ്യമുള്ളത്. എന്നാൽ ഒട്ടും നിലവാരമില്ലാത്ത രീതിയിലാണ് അവരും അവരുടെ അമ്മയും സംസാരിച്ചത്. അതെനിക്ക് ഒരുപാട് വേദനയുണ്ടാക്കി. ഇങ്ങനെയുള്ള അനുഭവം ഉണ്ടായതോടെ ഞാൻ ആരോടും ഒന്നും ചോദിക്കാതെയായി. മീന അന്ന് എന്നോട് സംസാരിച്ചത് പോലെ മറ്റൊരു നടിയും സംസാരിച്ചിട്ടില്ല. ഖുശ്ബു, റോജ, സുഹാസിനി എന്നിവരൊക്കെ ഇപ്പോഴും എന്റെ സുഹൃത്തുക്കളാണ്. അവരെല്ലാം എൻറെ മകൻറെ വിവാഹത്തിൽ പങ്കെടുക്കുവാനും വന്നിരുന്നു” – പണ്ടത്തെ നിർമ്മാതാവ് പറയുന്നു.

അതേസമയം ഈ വിഷയത്തിൽ സത്യം എന്താണ് എന്ന് തിരഞ്ഞുകൊണ്ട് നടക്കുകയാണ് ഇപ്പോൾ പ്രേക്ഷകർ എല്ലാവരും തന്നെ. അതേസമയം നടി മീനയെ പെണ്ണ് എന്നാണ് ഇയാൾ അഭിസംബോധന ചെയ്തത്. ഇതിനെതിരെ വലിയ രീതിയിലുള്ള പ്രതിഷേധങ്ങൾ ഉയരുകയാണ്. എന്നാൽ ഈ വിഷയത്തിൽ ഇതുവരെ മീനെ സംസാരിച്ചിട്ടില്ല. പഴയ നിർമ്മാതാക്കൾ പണ്ടത്തെ കാര്യങ്ങൾ കുത്തിപ്പൊക്കി ഇന്നത്തെ മൂന്നാംകിട യൂട്യൂബ് ചാനലുകൾക്ക് അഭിമുഖം നൽകുന്നത് ഒരു പതിവായി മാറിയിരിക്കുകയാണ്.