മുംബൈ: ഇന്ത്യന് ക്രിക്കറ്റ് ടീം മുഖ്യ പരിശീലകനായി രാഹുല് ദ്രാവിഡ് തുടരും. ഇന്ത്യന് ടീം പരിശീലക സ്ഥാനത്ത് ദ്രാവിഡിന്റെ നേരത്തെയുള്ള കരാര് 2023 ലോകകപ്പോടെ അവസാനിച്ചിരുന്നു. ഈ കരാര് ബിസിസിഐ നീട്ടിനല്കുകയായിരുന്നു.
ദ്രാവിഡിനെ കൂടാതെ സപ്പോര്ട്ട് സ്റ്റാഫിനും ബിസിസിഐ കരാര് നീട്ടി നല്കി. അതേസമയം പുതിയ കരാറില് ദ്രാവിഡിന്റെ കാലാവധി ബിസിസിഐ പ്രത്യേകം പരാമര്ശിച്ചിട്ടില്ല. എന്നാല് 2024 ജൂണില് നടക്കുന്ന ട്വന്റി-20 ലോകകപ്പ് വരെയാകും അദ്ദേഹം തുടരുകയെന്നാണ് ബിസിസിഐ വൃത്തങ്ങള് നല്കുന്ന സൂചന.
കരാര് നീട്ടിയതിന് ശേഷമുള്ള ദ്രാവിഡിന്റെ ആദ്യ മത്സരം ദക്ഷിണാഫ്രിക്കന് പര്യാടനമായിരിക്കും. നിലവില് ഓസ്ട്രേലിയയുമായി ട്വന്റി-20 പരമ്പരയിലേര്പ്പെട്ട ഇന്ത്യന് ടീമിനെ വിവിഎസ് ലക്ഷ്മണാണ് പരിശീലിപ്പിക്കുന്നത്.