വിവിധ സംസ്ഥാനങ്ങളില് നടന്ന നിയമസഭ തെരഞ്ഞെടുപ്പില് കോണ്ഗ്രസിന്റെ കൂട്ടത്തോല്വിക്ക് പിന്നാലെ എഐസിസി ജനറല് സെക്രട്ടറി കെസി വേണുഗോപാലിനെതിരെ പോസ്റ്റര് പ്രതിഷേധം. കണ്ണൂരിലാണ് വിവിധയിടങ്ങളില് പോസ്റ്റര് പ്രത്യക്ഷപ്പെട്ടത്. അഞ്ച് സംസ്ഥാനങ്ങള് വിറ്റ് തുലച്ചതിന് ആശംസകള് എന്ന വാചകങ്ങളോടെയാണ് പോസ്റ്റര് പതിപ്പിച്ചിരിക്കുന്നത്.
ശ്രീകണ്ഠാപുരം പാര്ട്ടി ഓഫിസിലും എരുവേശി ഐച്ചേരി പ്രദേശങ്ങളിലുമാണ് പോസ്റ്ററുകള് പതിപ്പിച്ചത്. സംസ്ഥാനത്ത് തന്നെ കെ.സിയുടെ ഏറ്റവും വിശ്വസ്തനായ ഇരിക്കൂര് എംഎല്എ സജീവ് ജോസഫിന്റെ ഓഫിസിന് പരിസരത്തും പോസ്റ്ററുകള് ഒട്ടിച്ചു. സേവ് കോണ്ഗ്രസ് എന്ന പേരിലാണ് പോസ്റ്ററുകളെല്ലാം പതിപ്പിച്ചിരിക്കുന്നത്.
അഞ്ച് സംസ്ഥാനങ്ങളിലെ കോണ്ഗ്രസിന്റെ പരാജയത്തിന് പിന്നാലെ കണ്ണൂരിലെ പ്രദേശിക നേതാക്കള് സമൂഹ മാധ്യമങ്ങളിലൂടെയും കെ.സി വോണുഗോപാലിനെതിരെ രംഗത്തെത്തിയിരുന്നു. ഇതിന് പിന്നാലെയാണ് പോസ്റ്റര് പ്രതിഷേധം.