അനന്തപുരി ഹിന്ദു മഹാസമ്മേളനത്തിലെ വിദ്വേഷ പ്രസംഗത്തില് പി.സി ജോര്ജിനെ റിമാന്ഡ് ചെയ്തു. 14 ദിവസത്തേക്ക് റിമാന്ഡ് ചെയ്തിരിക്കുന്നത്. തിരുവനന്തപുരം ഒന്നാം ക്ലാസ് മജിസ്ട്രേറ്റ് കോടതിയുടേതാണ് നടപടി. പൂജപ്പുര സെന്ട്രല് ജയിലിലേക്കാണ് പി.സി ജോര്ജിനെ മാറ്റുന്നത്.
അതേസമയം, പി.സി ജോര്ജ് ഹൈക്കോടതിയില് സമര്പ്പിച്ച ജാമ്യാപേക്ഷ ഇന്ന് 10.15 പരിഗണിക്കും. ഇന്നലെ അര്ധരാത്രിയാണ് പിസി ജോര്ജിനെ കൊച്ചിയില് നിന്ന് തിരുവനന്തപുരം എആര് ക്യാമ്പില് എത്തിച്ചത്. ഫോര്ട്ട് പൊലീസ് പി.സി ജോര്ജുമായി തിരുവനന്തപുരത്തേക്ക് തിരിക്കുന്നതിനിടെ അദ്ദേഹത്തിന് രക്ത സമ്മര്ദമുണ്ടായി.
നേരത്തെ വെണ്ണല വിദ്വേഷ പ്രസംഗ കേസില് ജോര്ജിന്റെ അറസ്റ്റ് രേഖപ്പെടുത്തിയിരുന്നെങ്കിലും മുന്കൂര് ജാമ്യം നിലനില്ക്കുന്നതിനാല് സാങ്കേതികമായി അറസ്റ്റ് രേഖപ്പെടുത്തിയ ശേഷം പി.സി ജോര്ജിനെ ഉപാദികളോടെ വിട്ടയച്ചിരുന്നു. തിരുവനന്തപുരം വിദ്വേഷപ്രസംഗക്കേസില് ജോര്ജിന്റെ ജാമ്യം ഇന്നലെ ഉച്ചയോടെയാണ് കോടതി റദ്ദാക്കിയത്.