സിനിമ കണ്ടാൽ എന്താണ് ഉപകാരം എന്ന് ചോദിക്കുന്ന മാതാപിതാക്കൾ ഇത് കാണുക, ചങ്ക്‌സ് പടം കണ്ടത് കൊണ്ട് മാത്രം പലർക്കും സർക്കാർ ജോലി കിട്ടിയേക്കും

മാതാപിതാക്കൾ സ്ഥിരം ചോദിക്കുന്ന ചോദ്യമാണ് ഇത് – സിനിമ കണ്ടാൽ എന്താണ് ഉപകാരം? വീട്ടിലേക്ക് അരി വാങ്ങാനുള്ള കാശ് കിട്ടുമോ? എന്നൊക്കെ. എന്നാൽ അവർക്കൊക്കെ നൽകാൻ പറ്റിയ ഒരു ഉത്തരം ഇതാ. സിനിമ കണ്ടാൽ വീട്ടിലേക്ക് അരി മാത്രമല്ല ഒരു സർക്കാർജോലി വരെ ചിലപ്പോൾ എത്തിയേക്കും. ഒമർ ലുലു സംവിധാനം ചെയ്ത സൂപ്പർ സിനിമയാണ് ചങ്ക്സ്. സിനിമ ഇറങ്ങിയ സമയത്ത് ഒരുപാട് വിമർശനങ്ങൾ നേരിട്ടിരുന്നു. ഡബിൾ മീനിങ് കോമഡികൾ ഉണ്ടായിരുന്നു എന്നതായിരുന്നു വിമർശനങ്ങൾക്ക് കാരണം. എന്നാൽ ഇപ്പോൾ അതിനെല്ലാമുള്ള മറുപടി എത്തിയിരിക്കുകയാണ്.

കഴിഞ്ഞദിവസം നടത്തിയ പിഎസ്സി ചോദ്യപേപ്പറിൽ ഒരു ചോദ്യമുണ്ടായിരുന്നു. പവറിൻ്റെ യൂണിറ്റ് എന്താണ് എന്നതായിരുന്നു ചോദ്യം. പഠിച്ചവർക്ക് എളുപ്പം ഉത്തരം നൽകാൻ സാധിക്കുന്ന ഒരു ചോദ്യമായിരുന്നു ഇത്. എന്നാൽ പഠിക്കാത്തവർക്കും ഈ ചോദ്യത്തിന് വേണമെങ്കിൽ ഉത്തരം നൽകാം. അവർ ചങ്ക്സ് സിനിമ കണ്ടിട്ട് ഉണ്ടായാൽ മതി. ഈ സിനിമയിലെ ഏറ്റവും വലിയ കോമഡി രംഗങ്ങളിൽ ഒന്നായിരുന്നു ധർമ്മജൻ്റെ വൈവ സീൻ. ഇതിൽ ധർമജനോട് ചോദിക്കുന്ന ചോദ്യങ്ങളിൽ ഒന്നായിരുന്നു പിഎസ്‌സി പരീക്ഷയ്ക്ക് വന്നത്.

വാട്ട് എന്നാണ് ചോദ്യത്തിന് ഉത്തരം. ധർമ്മജൻ ഈ ചോദ്യത്തിന് അബദ്ധത്തിൽ ആണ് ഉത്തരം നൽകുന്നത്. എന്നാൽ ഈ സിനിമ കണ്ടവർക്ക് രണ്ടാമതൊന്ന് ആലോചിക്കേണ്ടി വന്നില്ല എന്നതാണ് സത്യം. ഉടൻ തന്നെ അവർക്ക് ചോദ്യത്തിനുത്തരം നൽകാൻ സാധിച്ചു. ഇതിലൂടെ ഒരു മാർക്ക് അവർ സ്വന്തമാക്കി. ഒരു മാർക്കിന് ആയിരങ്ങളാണ് റാങ്ക് മുകളിലേക്കും താഴേക്കും പോകുന്നത് എന്നിരിക്കെ ഈ ഒരു മാർക്ക് കൊണ്ട് ചിലപ്പോൾ ഒരുപാട് പേർക്ക് ഒരു സർക്കാർ ജോലി കിട്ടിയേക്കാം. അവർ എല്ലാവരും ജീവിതാവസാനം വരെ ഒമർ ലുലുവിനെ സ്തുതിക്കും എന്നത് തീർച്ച.

മലയാളത്തിലെ മുൻനിര സംവിധായകരിൽ ഒരാളാണ് ഒമർലുലു ഇന്ന്. പവർ സ്റ്റാർ എന്ന സിനിമയാണ് അദ്ദേഹമിപ്പോൾ സംവിധാനം ചെയ്യുന്നത്. ബാബു ആൻറണി ആണ് ഇതിലെ പ്രധാനപ്പെട്ട കഥാപാത്രത്തെ അവതരിപ്പിക്കുന്നത്. സിനിമയുടെ ഷൂട്ടിംഗ് ഇതുവരെ തുടങ്ങിയിട്ടില്ല. അടുത്തവർഷത്തോടെ ആയിരിക്കും ചിത്രം തിയറ്ററുകളിലെത്തുന്നത് എന്നാണ് ഇപ്പോൾ ലഭിക്കുന്ന സൂചനകൾ. ആക്ഷൻ രംഗങ്ങൾക്ക് പരമാവധി പ്രാധാന്യം നൽകി കൊണ്ടായിരിക്കും ഈ ചിത്രമൊരുക്കുന്നത്.