പ്രശസ്ത ഇംഗ്ലീഷ് ആനുകാലിക മാസിക ടൈം 2019ല് ലോകത്തെ സ്വാധീനിച്ച 100 പേരുടെ പട്ടിക പുറത്തുവിട്ടു. 1999 മുതല് എല്ലാ വര്ഷവും ടൈം പുറത്തുവിടുന്ന പട്ടികയാണിത്.
റിലയന്സ് ഇൻഡസ്ട്രീസ് ചെയര്മാന് മുകേഷ് അംബാനി, പൊതുതാല്പര്യ ഹര്ജിയിലൂടെ ലൈംഗികന്യൂനപക്ഷങ്ങള്ക്ക് വേണ്ടി പ്രവര്ത്തിച്ച അരുന്ധതി കട്ജു, മേനക ഗുരുസ്വാമി എന്നിവരാണ് ഇന്ത്യയില് നിന്ന് പട്ടികയില് ഇടംപിടിച്ചത്.
ഇന്ത്യന്-അമേരിക്കന് കൊമേഡിയന് ഹസന് മിനാജും പട്ടികയില് ഇടംപിടിച്ചിട്ടുണ്ട്. ഡോണള്ഡ് ട്രംപ്, പോപ്പ് ഫ്രാന്സിസ്, ഷീ ജിന്പിങ്, ഇമ്രാന് ഖാന്, ടൈഗര് വുഡ്സ്, മാര്ക്ക് സുക്കര്ബര്ഗ് തുടങ്ങിയവരാണ് പട്ടികയില് ഇടംനേടിയ പ്രമുഖര്.
കൊളോണിയല് കാലത്തെ സ്വവര്ഗലൈംഗികത കുറ്റകരമാക്കിയ ഇന്ത്യന് പീനല്കോഡ് സെക്ഷന് 377 റദ്ദാക്കുന്നതിനുള്ള പൊതുതാല്പര്യ ഹര്ജിയും നിയമപോരാട്ടവും നടത്തിയതിന് കട്ജുവും ഗുരുസ്വാമിയും പട്ടികയില് ഇടംനേടിയത്.
അംബാനിയെക്കുറിച്ച് ടൈം മാസികയില് കുറിപ്പ് എഴുതിയത് ആനന്ദ് മഹീന്ദ്രയാണ്. അരുന്ധിതയെയും മേനകയെയും കുറിച്ച് എഴുതിയത് നടി പ്രിയങ്ക ചോപ്രയും.