മലയാള സിനിമ പ്രേമികൾ വൻ പ്രതീക്ഷയോടെ കാത്തിരിക്കുന്ന ചിത്രമാണ് എമ്പുരാൻ. മോഹൻലാൽ -പ്രിത്വിരാജ് കൂട്ടുകെട്ടിൽ എത്തിയ സൂപ്പർ ഹിറ്റ് ചിത്രം ലൂസിഫറിന്റെ രണ്ടാം ഭാഗമായി ഒരുങ്ങുന്ന സിനിമ എന്ന നിലയിലാണ് എമ്പുരാനായി സിനിമ പ്രേമികൾ പ്രതീക്ഷയോടെ കാത്തിരിക്കുന്നത്.
അതുകൊണ്ടുതന്നെ ചിത്രത്തിന്റെ ചെറിയ അപ്ഡേഷനുകൾ പോലെ സിനിമ പ്രേമികൾക്കിടയിൽ വലിയ നേടാറുണ്ട്.
ഇപ്പോഴിതാ ചിത്രത്തിനെ കുറിച്ച് കിട്ടുന്ന പുതിയ അപ്ഡേഷൻ കേട്ട് ആവേശം കൊള്ളുകയാണ് സിനിമ പ്രേമികൾ. സംഗീത സംവിധായകൻ ദീപക് ദേവാണ് ചിത്രത്തിനെ കുറിച്ചുള്ള അപ്ഡേഷൻ പങ്കുവെച്ചത്.
‘എമ്പുരാന്റെ പണി തുടങ്ങിയിട്ടുണ്ട്. ചിത്രത്തിന്റെ ഷൂട്ട് കുറച്ച് മാസം കഴിഞ്ഞിട്ടെ ഉള്ളൂ. എന്റെ പണി തുടങ്ങി’, എന്നാണ് ദീപക് ദേവ് പറയുന്നത്. ആശാ ശരത്തിന്റെ മകൾ ഉത്തരയുടെ വിവാഹ ചടങ്ങിൽ പങ്കെടുത്ത് മടങ്ങവെ ആയിരുന്നു ദീപക്കിന്റെ പ്രതികരണം.
പത്താം മാസത്തിൽ എമ്പുരാന്റെ ഷൂട്ടിംഗ് ചിലപ്പോൾ ആരംഭിക്കുമെന്ന സൂചനയും അദ്ദേഹം നൽകുന്നുണ്ട്.
അതേസമയം, എമ്പുരാന്റെ ആറു മാസത്തോളമായി നടന്ന ലൊക്കേഷൻ ഹണ്ട് യാത്രകൾ ഉത്തരേന്ത്യയിൽ അടുത്തിടെ അവസാനിച്ചു. ഹോളിവുഡ് ചിത്രത്തിന് സമാനമായ ലൊക്കേഷനും ചിത്രീകരണവുമാണ് ആസൂത്രണം ചെയ്യുന്നതെന്നാണ് സൂചനകൾ.
ലൂസിഫറിലേത് പോലെ മഞ്ജു വാരിയർ, ടൊവിനൊ തോമസ് തുടങ്ങിയവരും എമ്പുരാനിലും ഉണ്ടാകും.
എമ്പുരാൻ നിർമ്മിക്കുന്നതിനായി ആശിർവാദ് സിനിമാസിനൊപ്പം പൃഥ്വിരാജ് പ്രൊഡക്ഷൻസും തെന്നിന്ത്യയിലെ മുൻനിര നിർമ്മാണ കമ്പനിയായ ഹൊംബാളെ ഫിലിംസും ഒന്നിക്കുന്നുവെന്ന റിപ്പോർട്ടുകൾ നേരത്തെ പുറത്തുവന്നിരുന്നു.