ദില്ലി: ഇന്ത്യയെ തോല്പ്പിച്ച് ഓസ്ട്രേലിയ ഏകദിന ലോകകപ്പ് ഉയര്ത്തിയതിന് പിന്നാലെ, കിരീടത്തില് കാല് കയറ്റിയിരുന്ന ഓസ്ട്രേലിയന് ഓള് റൗണ്ടല് മിച്ചല് മാര്ഷിന്റെ ചിത്രങ്ങള് സോഷ്യല് മീഡിയയില് വൈറലായിരുന്നു.
ലോകകപ്പ് കിരീടത്തിന് മുകളില് രണ്ടു കാലുകളും കയറ്റിവെച്ച് ബിയര് നുണയുന്ന ചിത്രമായിരുന്നു വൈറലായത്. പിന്നാലെ മിച്ചല് മാര്ഷിന് എതിരെ ചില ഇന്ത്യന് ക്രിക്കറ്റ് പ്രേമികള് വിമര്ശനവുമായി എത്തിയിരുന്നു.
ഇപ്പോഴിത താരത്തിനെതിരെ പരാതി നല്കിയിരിക്കുകയാണ് അലിഗഢിനില് നിന്നുള്ള ആര്ടിഐ ആക്റ്റിവിസ്റ്റ് പണ്ഡിറ്റ് കേശവ്. മാര്ഷ് ലോക കിരീടത്തോട് അനാദരവ് കാണിച്ചുവെന്ന് ആണ് പരാതിയില് പറയുന്നത്.
കൂടാതെ താരത്തെ ഇന്ത്യയില് കളിപ്പിക്കാതിരിക്കാനുള്ള നടപടികള് സ്വീകരിക്കണമെന്ന് അദ്ദേഹം പ്രധാന മന്ത്രി നരേന്ദ്ര മോദിയോട് അഭ്യര്ത്ഥിച്ചു.
നേരത്തെ മാര്ഷിന്റെ നടപടിയെ വിമര്ശിച്ചും പിന്തുണച്ചും ഒരുപാട് പേര് എത്തിയിരുന്നു. മാര്ഷിന്റെ നടപടി ലോകകപ്പ് കിരീടത്തെ അപമാനിക്കുന്നതാണ് എന്നായിരുന്നു വിമര്ശകര് പറഞ്ഞത്.
എന്നാല് ഓരോ ടീമിനും ഒരോ സംസ്കാരമുണ്ടെന്നും ഓസ്ട്രേലിയന് സംസ്കാരം അനുസരിച്ച് അത് തെറ്റാവില്ലെന്ന് ആയിരുന്നു മിച്ചലിനെ ന്യായീകരിക്കുന്നവര് പറഞ്ഞത്.