എപ്പോഴും ചീരു അങ്ങനെയാണ് – ചീരുവിനെ ഓർത്തെടുത്ത് നടി മേഘ്ന രാജ്, ഇൻസ്റ്റാഗ്രാമിൽ കുറിച്ച വാക്കുകൾ കണ്ടോ?

മലയാളികൾക്ക് ഏറെ പ്രിയപ്പെട്ട താരങ്ങളിലൊരാളാണ് മേഘ്ന രാജ്. വിനയൻ സംവിധാനം ചെയ്ത യക്ഷിയും ഞാനും എന്ന ചിത്രത്തിലൂടെയാണ് താരം മലയാളത്തിൽ അരങ്ങേറുന്നത്. എങ്കിലും അനൂപ് മേനോൻ തിരക്കഥയെഴുതിയ വികെ പ്രകാശ് ചിത്രം ബ്യൂട്ടിഫുൾ എന്ന ചിത്രത്തിലൂടെയാണ് ആണ് മേഘ്നരാജ് മലയാളികളുടെ പ്രിയപ്പെട്ട നായികയായി മാറുന്നത്. ഈ ചിത്രത്തിന് അഞ്ജലി എന്ന കഥാപാത്രം ഏറെ ശ്രദ്ധിക്കപ്പെടുകയും പ്രേക്ഷക പ്രശംസ പിടിച്ചു പറ്റുകയും ചെയ്തതായിരുന്നു.

തുടർന്ന് മലയാളത്തിൽ ഒരു പിടി മികച്ച വേഷങ്ങളിൽ താരം പ്രത്യക്ഷപ്പെട്ടു. മമ്മൂട്ടി നായക കഥാപാത്രത്തെ അവതരിപ്പിച്ച ആഗസ്റ്റ്15 എന്ന ചിത്രത്തിലെ നായികാ കഥാപാത്രത്തെ അവതരിപ്പിച്ചത് മേഘ്ന ആയിരുന്നു. പിന്നീട് ശരത് കുമാർ കേന്ദ്രകഥാപാത്രമായി എത്തിയ അച്ഛൻറെ ആൺമക്കൾ എന്ന ചിത്രത്തിലും മേഘ്ന അഭിനയിച്ചു. താരത്തിന് കരിയറിലെ തന്നെ ഏറ്റവും മികച്ച വേഷങ്ങൾ ലഭിച്ചത് മലയാളം ഇൻഡസ്ട്രിയിൽ നിന്നും ആണ് എന്ന് തറപ്പിച്ചു പറയാം.

മലയാളത്തിൽ പുറമേ നിരവധി തമിഴ്, തെലുങ്ക്, കന്നട സിനിമകളിൽ അഭിനയിച്ചിട്ടുണ്ട് താരം. കന്നട നടൻ ആയിരുന്ന ചിരഞ്ജീവി സർജ ആയിരുന്നു മേഗ്നയുടെ ഭർത്താവ്. കഴിഞ്ഞവർഷം തുടക്കത്തിലാണ് ഹൃദയാഘാതത്തെതുടർന്ന് ചിരഞ്ജീവി നമ്മളെ വിട്ടു പിടിക്കുന്നത്. ഗർഭിണിയായിരുന്ന മേഘ്ന പിന്നീട് ഒരു ആൺകുഞ്ഞിന് ജന്മം നൽകുകയും ചെയ്തു. ഇവരുടെ വിശേഷങ്ങൾക്ക് മലയാളികൾ എന്നും പ്രത്യേക സ്വീകരണം തന്നെയായിരുന്നു നൽകി വന്നിരുന്നത്.

ഇപ്പോൾ ഭർത്താവിനെ വീണ്ടും ഓർത്തെടുക്കുകയാണ് മേഘ്നരാജ്. ഇൻസ്റ്റഗ്രാം സ്റ്റോറിയിലാണ് മേഗ്ന ചീരുവിനേ വീണ്ടും ഓർത്തെടുത്തത്. “എപ്പോഴും ചിരിച്ചു കൊണ്ടിരിക്കുന്നു, ചിരിയുടെ രാജാവ്” – ഇതായിരുന്നു മേഘ്നരാജ് ഇൻസ്റ്റഗ്രാമിൽ കുറിച്ചത്. ഇതിനോടകം തന്നെ നിരവധി പേർ ഈ സ്റ്റാറ്റസ് ഷെയർ ചെയ്തു കഴിഞ്ഞു. മാസങ്ങൾ എത്ര കഴിഞ്ഞാലും ചീരു എന്നും ജനങ്ങളുടെ മനസ്സിൽ അതുപോലെ ഉണ്ടാകുമെന്ന് വീണ്ടും തെളിയിക്കപ്പെട്ട ദിവസം കൂടി ആയിരുന്നു ഇന്ന്.