മലയാളികൾക്ക് സുപരിചിതമായ താരമാണ് കനിഹ സുബ്രഹ്മണ്യം.. ഒന്നര വര്ഷത്തിലേറെയായി സൂര്യ ടിവിയില് സംപ്രേക്ഷണം ചെയ്തുകൊണ്ടിരിയ്ക്കുന്ന എതിര്നീച്ചല് എന്ന സീരിയലില് പ്രധാന കഥാപാത്രങ്ങളിലൊന്ന് കനിഹ ചെയ്യുന്നതാണ്. അതെ സമയം ഈ സീരിയലിലെ നെഗറ്റീവ് കഥാപാത്രമായി എത്തിയിരുന്ന നടന് മാരിമുത്തുവാണ് കഴിഞ്ഞ ദിവസം ഹൃദയാഘാതത്തെ തുടര്ന്ന് മരണപ്പെട്ടത്.സീരിയലില് ഡബ്ബ് ചെയ്യുന്നതിനിടെ കുഴഞ്ഞു വീഴുകയായിരുന്നു. ആശുപത്രിയില് എത്തിച്ചുവെങ്കിലും അതിന് മുന്നെ മരണപ്പെട്ടു. ഷൈലോക്ക് എന്ന മമ്മൂട്ടി ചിത്രത്തിലും മാരിമുത്തു അഭിനയിച്ചിട്ടുണ്ട്. ഇപ്പോഴിതാ നടന്റെ വേര്പാരിടനെ കുറിച്ച് വികാരഭരിതായി സംസാരിക്കുന്ന കനിഹ.ആദ്യം മാരിമുത്തുവിനൊപ്പമുള്ള രണ്ട് ഫോട്ടോസ് പങ്കുവച്ചുകൊണ്ടായിരുന്നു പോസ്റ്റ്. ‘എന്തിനാണ് സര് ഇത്രപെട്ടന്ന് പോയത്. നിങ്ങളുടെ ചിരിയും സംസാരവും എല്ലാം ഇപ്പോഴും എന്റെ കാതുകളിലുണ്ട്. ഞങ്ങള് എല്ലാം നിങ്ങളെ മിസ്സ് ചെയ്യും’ എന്നായിരുന്നു ക്യാപ്ഷന്.
View this post on Instagram
അതെ സമയം താരം വീഡിയോയിലാണ് കനിഹ വളരെ വികാരഭരിതയായി സംസാരിക്കുന്നത്. രാവിലെ എന്നത്തെയും പോലെ ഭര്ത്താവിനോടും മകനോടും ഷൂട്ടിങിന് പോയിട്ടു വരാം എന്ന് പറഞ്ഞ് വീട്ടില് നിന്നിറങ്ങുമ്പോള് ഇത്തരമൊരു ദുഃഖ വാര്ത്ത കേള്ക്കേണ്ടി വരും എന്ന് കരുതിയല്ല. മേക്കപ് ചെയ്തുകൊണ്ടിരിക്കുമ്പോഴാണ്, മാരുമുത്തു സര് കുഴഞ്ഞുവീണ് ആശുപത്രിയില് കൊണ്ടുപോയത് എന്ന വാര്ത്ത വന്നത്. അതൊരു വ്യാജ വാര്ത്തയായിരിക്കണേ, ആണെങ്കില് തന്നെ ഒന്നും സംഭവിക്കരുതേ എന്ന് അപ്പോള് മുതലേ പ്രാര്ത്ഥിക്കുന്നുണ്ടായിരുന്നു.ഞങ്ങള്ക്ക് ആര്ക്കും അത് ഉള്ക്കൊള്ളാനും വിശ്വസിക്കാനും കഴിയുന്നതായിരുന്നില്ല. രണ്ട് വര്ഷത്തിനടുത്തോളമായി എതിര്നീച്ചല് ടീം ഞങ്ങള് എല്ലാവരും ഒരു കുടുംബം പോലെ കഴിഞ്ഞതാണ്. മാരിമുത്തു സാറില് എനിക്ക് ഏറ്റവും ഇഷ്ടപ്പെട്ടകാര്യം, ഏത് വിഷയത്തെ കുറിച്ചും നല്ല അറിവുള്ള ആളാണ്.
വീട്ടില് എല്ലാവരും സുഖമായിരിക്കുന്നോ, മോന് എന്തു പറയുന്നു എന്നൊക്കെ. സീരിയലില് കാണുന്ന ആളേ അല്ല യഥാര്ത്ഥ ജീവിതത്തില് മാരിമുത്തു സര്. സ്ത്രീകളെ അത്രയേറെ ബഹുമാനിക്കുകയും നല്ല രീതിയില് ട്രീറ്റ് ചെയ്യുകയും ചെയ്യുന്നയാളാണ്. നമ്മളെ വളരെ നന്നായി കെയര് ചെയ്യും അഭിനയത്തോട് അത്രയും താത്പര്യമായിരുന്നു. വിശ്രമമേ ഇല്ലാതെ ജോലി ചെയ്യുന്നതില് അദ്ദേഹത്തിന് വല്ലാത്ത സന്തോഷമായിരുന്നു. ഒരുപാട് ഹാര്ഡ് വര്ക്ക് ചെയ്യും. ആഗ്രഹിച്ചതുപോലെ കരിയറില് എല്ലാം നേടിയെടുക്കുന്ന ഘട്ടത്തിലേക്ക് പോകുമ്പോഴാണ് ഇത് സംഭവിച്ചത്. ഒരുപാട് ഹാര്ഡ് വര്ക് ചെയ്തതുകൊണ്ടാണോ എന്ന് എന്നോട് ചിന്തിച്ചുപോകുന്നു. ദൈവം അദ്ദേഹത്തിന്റെ കുടുംബത്തിന് ശക്തി നല്കട്ടെ എന്നാണ് താരം പറയുന്നത്.