ആരാധകര് ഏറെയുള്ള താരദമ്പതികളാണ് സൂര്യയും ജ്യോതികയും. തമിഴകത്തിന്റെ പ്രിയ താരങ്ങള് ഏറെ നാളത്തെ പ്രണയത്തിനു ശേഷമാണ് വിവാഹം കഴിച്ചത്. ഇന്ന് സന്തുഷ്ടമായ കുടുംബജീവിതം നയിച്ച് മുന്നോട്ടുപോകുന്നു ഇവര്. വിശേഷങ്ങള് തങ്ങളുടെ ആരാധകരുമായി പങ്കുവയ്ക്കാറുണ്ട് ഈ കുടുംബം. വലിയൊരു ഇടവേളക്കുശേഷം ആണ് ജ്യോതിക വീണ്ടും സിനിമയിലേക്ക് എത്തിയത്. രണ്ടാം വരവിലും മികച്ച സ്വീകരണം ജ്യോതികക്ക് കിട്ടി. ഇപ്പോള് സൂര്യയുമായി പ്രണയത്തിലായതിനെ ക്കുറിച്ച് ജ്യോതിക പറഞ്ഞ വാക്കുകളാണ് വൈറല് ആവുന്നത്.
അന്നും ഇന്നും സ്ത്രീകളെ ഒത്തിരി ബഹുമാനിക്കുന്ന ഒരു വ്യക്തിയാണ് സൂര്യ. അദ്ദേഹത്തിന്റെ ആ ക്വാളിറ്റി തനിക്ക് ഏറെ ഇഷ്ടമാണെന്ന് ജ്യോതിക പറഞ്ഞു. വിവാഹത്തിന് മുമ്പ് ഞങ്ങള് നിരവധി സിനിമകളില് ഒന്നിച്ച് അഭിനയിച്ചു , എന്നാല് ആ സമയത്ത് അങ്ങനെ സംസാരിക്കാറൊന്നും ഉണ്ടായിരുന്നില്ല. സഹതാരത്തിന് നല്കുന്ന പരിഗണനയും ബഹുമാനമെല്ലാം എനിക്കും ലഭിച്ചു . അതെല്ലാം ഞാന് തുടക്കത്തില് തന്നെ ശ്രദ്ധിച്ചു.
ശരീരത്തില് തൊടേണ്ടി വരുമ്പോള് നമ്മള് കൂടി ഓക്കെയാവുന്ന തരത്തിലാണ് അദ്ദേഹം തൊടുന്നതെന്നും ജ്യോതിക പറഞ്ഞിരുന്നു.
അതേസമയം 12 വര്ഷത്തെ വിവാഹ ജീവിതത്തിനിടെ ഒരിക്കല്പോലും തങ്ങള് വഴക്ക് ഇട്ടിട്ടില്ല എന്നും ജ്യോതിക പറഞ്ഞു. ഭര്ത്താവ് എന്ന നിലയില് ആയാലും അച്ഛന് എന്ന നിലയിലായാലും പെര്ഫെക്ട് ആണ് സൂര്യ. സിനിമയുമായി ബന്ധപ്പെട്ട കാര്യങ്ങള് കുടുംബവുമായി സൂര്യ കൂട്ടിക്കുഴക്കാറില്ല . മക്കളുടെ കാര്യങ്ങളെല്ലാം ശ്രദ്ധിച്ച് ആസ്വദിച്ച് ചെയ്യാറുണ്ട് . രണ്ടുപേരെ ഒരുപോലെയാണ് പരിഗണിക്കുന്നത്. മക്കള്ക്ക് ആവശ്യം വേണ്ട സമയത്തെല്ലാം അവര്ക്കൊപ്പം ഉണ്ടാവണമെന്ന് നിര്ബന്ധമുണ്ട് സൂര്യയ്ക്ക് ജ്യോതിക പറഞ്ഞു.