ബോളിവുഡിന്റെ കിങ് ഖാൻ ആണ് ഷാരുഖ് ഖാൻ. ഇന്ത്യ മുഴുവൻ ആരാധകരുള്ള താരത്തിന്റെതായി എത്തിയ പുതിയ ചിത്രം ആയിരുന്നു പത്താൻ.
4 വർഷങ്ങളുടെ ഇടവേളക്ക് ശേഷം കിങ് ഖാന്റേതായി തിയേറ്ററിൽ എത്തിയ ചിത്രം മികച്ച വിജയം നേടി പ്രദർശനം തുടരുകയാണ്.
ചിത്രം 1000 കോടിയും നേടി പ്രദർശനം തുടരുകയാണ്. ഇതിനിടയിൽ ഇപ്പോഴിതാ ഷാരുഖ് ആരാധകരെ നിരാശയിൽ ആക്കുന്ന വാർത്തയാണ് എത്തുന്നത്.
കിംഗ് ഖാന് നായകനാവുന്ന അടുത്ത ചിത്രം പ്രഖ്യാപിച്ചിരുന്ന സമയത്ത് എത്തിയേക്കില്ല എന്നതാണ് അത്.
ആറ്റ്ലി സംവിധാനം ജവാൻ റിലീസ് ചെയ്യാൻ വൈകുമെന്ന റിപ്പോർട്ട് ആണ് എത്തുന്നത്.ഈ വര്ഷം ജൂണ് 2 ന് ചിത്രം തിയറ്ററുകളില് എത്തുമെന്നായിരുന്നു നിര്മ്മാതാക്കളുടെ അറിയിപ്പ്. എന്നാല് ചിത്രം ഈ ഡേറ്റില് എത്തില്ലെന്നാണ് ട്രേഡ് അനലിസ്റ്റുകള് ഇപ്പോള് അറിയിക്കുന്നത്.
ചിത്രീകരണം പോലും ഇനിയും പൂര്ത്തിയാക്കാനാവാത്ത സാഹചര്യമാണുള്ളത്. സ്വാഭാവികമായും പോസ്റ്റ് പ്രൊഡക്ഷന് ജോലികളും നീളും. ഈ സാഹചര്യത്തില് ചിത്രം ജൂണില് റിലീസ് ചെയ്യാനാവില്ലെന്നും ഒക്ടോബറിലേക്ക് നീട്ടിയേക്കുമെന്നുമാണ് റിപ്പോര്ട്ടുകള്.
ചിത്രം വൈകുമെന്ന വാർത്ത ഷാരുഖ് ആരാധകരെ നിരാശയിൽ ആക്കുകയാണ്. അതേസമയം ഇത് സംബന്ധിച്ച് നിര്മ്മാതാക്കളുടെ ഭാഗത്തുനിന്ന് അറിയിപ്പ് ഒന്നും എത്തിയിട്ടില്ല.
ആറ്റ്ലിയുടെ ബോളിവുഡ് അരങ്ങേറ്റ ചിത്രമാണ് ജവാൻ. നയന്താര നായികയാവുന്ന ചിത്രത്തില് സാന്യ മല്ഹോത്രയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. കിംഗ് ഖാന് ചിത്രത്തിലെത്തുന്നത് ഇരട്ട വേഷത്തിലാണെന്നാണ് പുറത്തെത്തിയിട്ടുള്ള വിവരം.
‘റോ’യിലെ (റിസര്ച്ച് ആന്ഡ് അനാലിസിസ് വിംഗ്) ഒരു മുതിര്ന്ന ഉദ്യോഗസ്ഥനായ അച്ഛനും ഒരു ഗ്യാങ്സ്റ്ററായ മകനുമാണ് ഈ കഥാപാത്രങ്ങളെന്നാണ് റിപ്പോര്ട്ട്. ഒരു അന്വേഷണോദ്യോഗസ്ഥയാണ് നയന്താരയുടെയും കഥാപാത്രം.