ചെവികളുടെ നീളത്തിന്റെ പേരില് താരമായിരിക്കുകയാണ് ഒരു ആട്ടിന്കുട്ടി. പത്തൊന്പത് ഇഞ്ചാണ് ഈ ആട്ടിന് കുട്ടിയുടെ ചെവികളുടെ നീളം. പാകിസ്താനിലെ കറാച്ചിയിലെ സിന്ധ് പ്രവിശ്യയിലാണ് ഈ ആട്ടിന്കുട്ടിയുള്ളത്. ഇവന്റെ പേരാകട്ടെ സിംബ എന്നാണ്. സ്വാഹിലി ഭാഷയില് സിംബയുടെ അര്ഥം സിംഹം എന്നാണ്.
Baby goat named Simba has superlong ears https://t.co/Ut4TRUQ9Ix pic.twitter.com/0hMTWckhRw
— New York Post (@nypost) June 17, 2022
മുഹമ്മദ് ഹസന് നരേജോ എന്നയാളുടെ ഉടമസ്ഥതയിലുള്ളതാണ് ഈ ആട്ടിന്കുട്ടി. കഴിഞ്ഞ ദിവസമാണ് ഇവന് ജനിച്ചത്. നടക്കുമ്പോള് ഇവന്റെ ചെവികള് നിലത്ത് മുട്ടും. ഏറ്റവും നീളമുള്ള ചെവിയ്ക്കുടമയായ ആട്ടിന് കുട്ടി എന്ന ലോക റെക്കോര്ഡിന് കാത്തിരിക്കുകയാണ് സിംബയിപ്പോള്. നിലവില് ചെവികളുടെ നീളത്തില് ആട്ടിന്കുട്ടികള് ലോക റെക്കോര്ഡില് ഇടം പിടിച്ചിട്ടില്ല. അങ്ങനെ വരുമ്പോള് ചെവികളുടെ നീളത്തില് ലോക റെക്കോര്ഡില് ഇടം നേടുന്ന ആദ്യത്തെ ആട്ടിന്കുട്ടിയാകും സിംബ.
മറ്റ് ആരോഗ്യപ്രശ്നങ്ങളോ ബുദ്ധിമുട്ടുകളോ സിംബയ്ക്കില്ല. ജനിതമായ പ്രശ്നങ്ങള്കൊണ്ടോ മറ്റ് വൈകല്യങ്ങള് കൊണ്ടോ ആവണം ചെവികളുടെ നീളം കൂടാന് കാരണമെന്നാണ് വിദഗ്ധര് പറയുന്നത്. നൂബിയന് വിഭാഗത്തില്പ്പെട്ട ആട്ടിന്കുട്ടിയാണ് സിംബ. ഈ ഗണത്തില്പ്പെട്ട ആടുകള്ക്ക് താരതമ്യേന നീണ്ട ചെവിയുള്ളത്. കടുത്ത ചൂടില് നിന്ന് ശരീരത്തെ സംരക്ഷിക്കാനാണ് ഇവയ്ക്ക് ഈ ചെവികള്.