ഒരു കാലത്ത് ഹിറ്റായിരുന്ന എന്റെ മാനസപുത്രി എന്ന സീരിയല് പ്രേക്ഷകര് ഇന്നും ഓര്ക്കുന്നു. ഇതിലെ സോഫി എന്ന കഥാപാത്രം ഏറെ ശ്രദ്ധിക്കപ്പെട്ടിരുന്നു. ശ്രീകല ശശിധരന് ആണ് സോഫിയായി എത്തിയിരുന്നത്. സീരിയല് രംഗത്ത് സജീവമായിരുന്ന സോഫിയ പിന്നീട് പരമ്പരകളില് നിന്നും മാറി നില്ക്കുകയായിരുന്നു. സീരിയലിന് പുറമെ സിനിമയിലും ചെറിയ വേഷം താരം ചെയ്തിരുന്നു.
പിന്നീട് വിവാഹ ശേഷവും ശ്രീകല സീരിയലില് അഭിനയിച്ചെങ്കിലും വൈകാതെ വിദേശത്തേക്ക് പോവുകയായിരുന്നു. ഭര്ത്താവിന്റെ ജോലിയുമായി ബന്ധപ്പെട്ടാണ് നടി ലണ്ടനിലേക്ക് പോയത്. ശേഷം താരം കുടുംബ ജീവിതത്തിന്റെ തിരക്കിലാവുകയായിരുന്നു.
കായംകുളം കൊച്ചുണ്ണി എന്ന ഹിറ്റ് സീരിയലിലൂടെയാണ് ശ്രീകല അഭിനയ ജീവിതത്തിലേക്ക് കടക്കുന്നത്. പിന്നീട് നിരവധി സീരിയലുകളില് മികച്ച വേഷം ചെയ്തെങ്കിലും എന്റെ മാനസപുത്രി പരമ്പരയിലെ സോഫിയ എന്ന കഥാപാത്രമാണ് താരത്തിന്റേതായി ശ്രദ്ധിക്കപ്പെട്ടത്.
അമ്മമനസ്, സ്നേഹതീരം, ഉളളടക്കം, ദേവീ മാഹാത്മ്യം തുടങ്ങിയ പരമ്പരകളിലെല്ലാം നടി തിളങ്ങിയിരുന്നു. പിന്നീട് സീരിയിലില് നിന്നും വിട്ടുനിന്ന ശ്രീകല അതിന്റെ കാരണവും വെളിപ്പെടുത്തിയിരുന്നു. അഭിനയത്തെ ജീവിതത്തിന്റെ ഭാഗമായി കണ്ടിരുന്ന നടി സീരിയല് മേഘലയില് നിന്നും പോയതും ആരാധകരെ സംങ്കടത്തിലാക്കിയിരുന്നു. ഇപ്പോഴും ശ്രീകലയുടെ വിശേഷങ്ങള് ചോദിച്ച് ആരാധകര് എത്താറുണ്ട്. ഇതിനിടെ അഭിനയത്തിലേക്കുള്ള തിരിച്ച് വരവിനെക്കുറിച്ചും ചോദിക്കാറുണ്ട്.
എന്നാല് ഇതിനെല്ലാം ഇപ്പോള് ഉത്തരം തന്നിരിക്കുകയാണ് താരം ‘ഇവിടെ വന്ന ശേഷം കുറെ ഓഫറുകള് വന്നു. എല്ലാം പ്രധാന വേഷങ്ങളിലേക്ക്, ഒന്നും ഏറ്റെടുത്തിട്ടില്ല. നല്ല റോളുകള് ഉപേക്ഷിക്കുമ്പോള് വിഷമം തോന്നുമെങ്കിലും ഭര്ത്താവിനും മകനുമൊപ്പമുളള കുടുംബ ജീവിതത്തിനാണ് കൂടുതല് പ്രാധാന്യം കൊടുക്കുന്നത്. അത് ഞാന് നന്നായി ആസ്വദിക്കുന്നുമുണ്ട്. ഞാനും മോനും കുറെക്കാലം നാട്ടില് തന്നെയായിരുന്നു. അതിനിടെയാണ് എന്റെ അമ്മ മരിച്ചത്. അങ്ങനെയാണ് ഇവിടേക്ക് വരാന് തീരുമാനിച്ചതും അഭിനയത്തില് നിന്നും അവധി എടുത്തതും’ നടി പറയുന്നു.