തിരുവനന്തപുരം: സംസ്ഥാനത്ത് നാളെ മുതല് വൈദ്യുതി നിരക്ക് കൂടും. യൂണിറ്റിന് 19 പൈസയാണ് കൂടുന്നത്. ഇന്ധന സര്ചാര്ജായി യൂണിറ്റിന് 10 പൈസയും റഗുലേറ്ററി കമ്മിഷന് അനുവദിച്ച 9 പൈസയും ഉള്പ്പെടെ 19 പൈസയാണ് ഈടാക്കുക. ഇതു സംബന്ധിച്ച ഉത്തരവ് പുറത്തിറിക്കി.
നാളെ മുതല് ഇന്ധന സര്ചാര്ജ് ഇനത്തില് യൂണിറ്റിന് 10 പൈസ ഈടാക്കാനുള്ള തീരുമാനത്തില് നിന്നും താത്ക്കാലികമായി സര്ക്കാര് പിന്മാറുമെന്നായിരുന്നു റിപ്പോര്ട്ട്. എന്നാല് സര്ച്ചാര്ജ് ഈടാക്കാനുള്ള തീരുമാനം രാത്രിയാണ് ഇറങ്ങിയത്.
വൈദ്യുതി താരിഫ് ചട്ടങ്ങളുടെ കരടില് ഒരുമാസം പരമാവധി 20 പൈസ വരെ പിരിക്കാമെന്നായിരുന്നു പറഞ്ഞിരുന്നത്. തെളിവെടുപ്പിനുശേഷം കമ്മിഷന് ഇറക്കിയ അന്തിമചട്ടങ്ങളിലാണ് ഇതു 10 പൈസയായി കുറച്ചത്.
പാരമ്പര്യേതര ഊര്ജം മാത്രം ഉപയോഗിക്കുന്നവര്ക്കു (ഗ്രീന് താരിഫ്) സര്ചാര്ജ് നേരത്തെ തന്നെ ഒഴിവാക്കിയിരുന്നു. ഗ്രീന് താരിഫ് എത്രയായിരിക്കുമെന്നു വ്യക്തമാക്കി പിന്നീടു കമ്മിഷന് ഉത്തരവിറക്കും.