സ്കൂളില് കുടിവെള്ള പാത്രത്തില് തൊട്ടത്തിന് അധ്യാപകന്റെ ക്രൂര മര്ദനത്തിന് ഇരയായായ ദളിത് വിദ്യാര്ത്ഥി കൊല്ലപ്പെട്ടു. രാജസ്ഥാനിലാണ് സംഭവം നടന്നത്. ഗുരുതരമായി പരുക്കേറ്റ ഒന്പതുവയസുകാരന് ദീര്ഘനാളായി ചികിത്സയിലായിരുന്നു.
ജാലോര് ജില്ലയിലെ സൈല ഗ്രാമത്തിലുള്ള ഒരു സ്വകാര്യ സ്കൂളിലാണ് സംഭവം നടന്നത്. ജൂലൈ 20-നാണ് കുട്ടിക്ക് മര്ദനമേറ്റത്. കുട്ടിയുടെ കണ്ണിനും ചെവിക്കുമടക്കം ഗുരുതരമായി പരുക്കേറ്റിരുന്നു. അഹമ്മദാബാദിലെ ആശുപത്രിയിലാണ് കുട്ടി ചികിത്സയില് കഴിഞ്ഞിരുന്നത്. കഴിഞ്ഞ ദിവസമാണ് കുട്ടി മരിച്ചത്.
വിഷയത്തില് വ്യാപക പ്രതിഷേധമാണ് ഉയര്ന്നിരിക്കുന്നത്. ഇതോടെ പ്രദേശത്തെ ഇന്റര്നെറ്റ് കണക്ഷനടക്കം താത്കാലികമായി വിച്ഛേദിച്ചിരിക്കുകയാണ്. കുട്ടിയെ മര്ദിച്ച അധ്യാപകനെ കൊലപാതകക്കുറ്റം ചുമത്തി പൊലീസ് അറസ്റ്റ് ചെയ്തിട്ടുണ്ട്.