ചെന്നൈ: ഊട്ടി കൂനൂര് മരപ്പാലത്തിനു സമീപം ടൂറിസ്റ്റ് ബസ് മറിഞ്ഞ് എട്ടു മരണം. അഞ്ച് പേരെ തിരിച്ചറിഞ്ഞു. മൂന്ന് പേരെ തിരിച്ചറിഞ്ഞിട്ടില്ല.
വി.നിതിന് (15), എസ്.ബേബികല (36), എസ്.മുരുഗേശന് (65), പി.മുപ്പിഡത്തേ (67), ആര്.കൗസല്യ (29) എന്നിവരാണു മരിച്ച അഞ്ചുപേര്. മൂന്നുപേരെ തിരിച്ചറിഞ്ഞിട്ടില്ല.
ആകെ 55 പേരാണ് ബസില് ഉണ്ടായിരുന്നത്. 35 പേര്ക്കു പരുക്കുണ്ട്. പരുക്കേറ്റവരെ കൂനൂര് സര്ക്കാര് ആശുപത്രിയില് പ്രവേശിപ്പിച്ചു. 4 പേരുടെ നില ഗുരുതരമാണ്. മരണസഖ്യ ഉയര്ന്നേക്കുമെന്നാണ് ആശങ്ക.
#WATCH | 35 people were injured as a tourist bus fell into a gorge near Marapalam near Coonoor. 55 tourists were travelling in the bus going from Ooty to Mettupalayam. The injured have been sent to Coonoor government hospital for treatment. Further details awaited. pic.twitter.com/hQNygNfoGw
— ANI (@ANI) September 30, 2023
ഊട്ടിയില്നിന്നു തിരിച്ചുവരികയായിരുന്ന ബസില് തെങ്കാശി സ്വദേശികളാണുണ്ടായിരുന്നത്. കൂനൂര് മേട്ടുപ്പാളയം റോഡില് മരപ്പാലത്തിനു സമീപം ഒമ്പതാം ഹെയര്പിന് വളവിലാണ് ബസ് അപകടത്തില്പ്പെട്ടത്.
50 അടി താഴ്ചയുള്ള കൊക്കയിലേക്കാണു ബസ് മറിഞ്ഞത്. പൊലീസും രക്ഷാപ്രവര്ത്തകരും ഉടന് തന്നെ സ്ഥലത്തെത്തി രക്ഷാപ്രവര്ത്തനം ആരംഭിച്ചു.
അതേസമയം അപകടത്തില് പരുക്കേറ്റവര്ക്കും മരിച്ചവരുടെ കുടുംബങ്ങള്ക്കും തമിഴ്നാട് മുഖ്യമന്ത്രി എം.കെ.സ്റ്റാലിന് ധനസഹായം പ്രഖ്യാപിച്ചു.
മരിച്ചവരുടെ കുടുംബത്തിനു എട്ടുലക്ഷവും ഗുരുതരമായി പരുക്കേറ്റവര്ക്കു ഒരുലക്ഷം രൂപയും പരുക്കു ഗുരുതരമല്ലാത്തവര്ക്കു 50,000 രൂപയും നല്കുമെന്നാണു മുഖ്യമന്ത്രിയുടെ പ്രഖ്യാപനം.