മലയാളികള് ഏറെ ഇഷ്ടപ്പെടുന്ന നടിയാണ് ഭാവന. നിരവധി ഭാഷകളില് അഭിനയിച്ച താരം മലയാളത്തിലെ ഒട്ടനവധി ത്രില്ലര് ചിത്രങ്ങളിലും വേഷമിട്ടിരുന്നു. കിട്ടുന്ന കഥാപാത്രങ്ങളില് ഗംഭീരമായ പ്രകടനം തന്നെയാണ് താരം കാഴ്ച്ചവെച്ചത്.
ഇതിനാല് തന്നെ ഭാവനക്ക് മലയാളത്തില് നിരവധി അവസരങ്ങളും ലഭിച്ചു. നടിയായും സഹനടിയായും ഒക്കെയുള്ള തന്റെ അഭിനയത്തിനും ആരാധകര് ഏറെയാണ്. മറ്റു ഭാഷകളിലേക്ക് ചേക്കേറിയപ്പോഴും മലയാള സിനിമയില് ഭാവനയ്ക്ക് വലിയ സ്വീകാര്യതയുണ്ടായിരുന്നു.
സോഷ്യല് മീഡിയയില് സജീവമായ താരം ഇപ്പോള് ഒരു സന്തോഷ വാര്ത്ത പങ്കുവെച്ചിരിക്കുകയാണ്. വീട്ടിലെത്തിയ പുതിയ അതിഥിയെക്കുറിച്ചുള്ള വിശേഷം ആണ് പുറത്തുവിട്ടത്. പുതിയ ഒരു മെര്സിഡേഴ്സ് ബെന്സ് കാര് സ്വന്തമാക്കിയിരിക്കുകയാണ് ഭാവനയും നവീനും. കാറിന് മുന്നില് കീയുമായി നില്ക്കുന്ന ഭാവനയുടെയും നവീന്റെയും ചിത്രങ്ങളാണ് വൈറലാവുന്നത്. ചിത്രത്തിന് താഴെ ആശംസ അറിയിച്ച് ആരാധകരും എത്തി.
അഞ്ചു വര്ഷത്തെ സൗഹൃദത്തിനും പ്രണയത്തിനും ശേഷമാണ് ഭാവനയും നവീനും വിവാഹിതരായത്. കന്നഡ നിര്മ്മാതാവായ നവീനിനെ വിവാഹം ചെയ്ത നടി പിന്നീട് അഭിനയത്തില് നിന്നും ഒരു ചെറിയ ബ്രേക്കെടുക്കുകയായിരുന്നു.
എങ്കിലും സിനിമ മറന്നൊരു ലോകം അസാധ്യമാണെന്നു തോന്നിയപ്പോള് അഭിനയത്തിലേക്ക് വീണ്ടും തിരിച്ചെത്തുകയും ചെയ്ത. തമിഴ് ചിത്രം 96ന്റെ കന്നഡ റീമേക്ക് 99ലൂടെ ഗണേഷിന്റെ നായികയായിട്ടായിരുന്നു ഭാവനയുടെ തിരിച്ചുവരവ്. ഇനി മലയാളത്തിലേക്കുള്ള താരത്തിന്റെ തിരിച്ച് വരവിനായുള്ള കാത്തിരിപ്പിലാണ് ആരാധകര്.