ഷെഫീക്കിന്റെ സന്തോഷം എന്ന സിനിമയുമായി ബന്ധപ്പെട്ട് ഉയര്ന്ന പ്രതിഫല കണക്ക് വിവാദങ്ങള് പുതിയ തലത്തിലേക്ക്. സിനിമയില് അഭിനയിച്ചതിന് തനിക്ക് നല്കി എന്ന് പറയുന്ന രണ്ട് ലക്ഷം രൂപ തന്റെ പ്രതിഫലം അല്ലെന്നും അതെന്റെ അസിസ്റ്റന്്സിന്റെ വേതനം ആണെന്നുമാണ് ബാല പറയുന്നത്.
റിപ്പോര്ട്ടര് ടിവി എഡിറ്റേഴ്സ് അവറില് ആയിരുന്നു ബാല ഇക്കാര്യം പറഞ്ഞത്. തനിക്ക് രണ്ട് ലക്ഷം തന്നു എന്ന് പറയുന്നത് പച്ചക്കള്ളമാണ്. 40000, 50000 എന്നിങ്ങനെ ആണ് ട്രാന്സാക്ഷന് നടന്നത്.
അതെന്റെ അസിസ്റ്റന്്സിന്റെ വേതനം ആണ്. ഷെഫീക്കിന്റെ സന്തോഷത്തില് ഞാന് 24 ദിവസം ജോലി ചെയ്തു. ഉണ്ണി മുകുന്ദനുമായുള്ള സൗഹൃദത്തിന്റെ പേരിലാണ് സിനിമ ചെയ്തത്, ഞാന് അങ്ങോട്ട് പറഞ്ഞതല്ല എന്നും ബാല പറയുന്നു.
കഴിഞ്ഞ ദിവസമായിരുന്നു നടന് ഉണ്ണി മുകുന്ദന് എതിരെ ബാല രംഗത്ത് വന്നത്. ഉണ്ണിമുകുന്ദന് നിര്മ്മിച്ച ഷെഫീക്കിന്റെ സന്തോഷം എന്ന സിനിമയില് അഭിനയിച്ചതിന് പ്രതിഫലം നല്കാതെ ഉണ്ണി മുകുന്ദന് പറ്റിച്ചുവെന്നായിരുന്നു ബാലയുടെ ആരോപണം.
പിന്നാലെ ബാലയുടെ ആരോപണത്തിനെ തള്ളി സിനിമയുടെ സംവിധായകനും ലൈന് പ്രൊഡ്യൂസറും ഉണ്ണി മുകുന്ദനും രംഗത്ത് വന്നിരുന്നു. ബാലയ്ക്ക് ചിത്രത്തില് അഭിനയിച്ചതിന് 2 ലക്ഷം നല്കി എന്നായിരുന്നു ലൈന് പ്രൊഡ്യൂസര് പറഞ്ഞത്.
പിന്നാലെ ബാലയ്ക്ക് രണ്ട് ലക്ഷം നല്കിയതിന്റെ തെളിവുകള് സോഷ്യല് മീഡിയയില് പങ്കുവച്ച് നടന് ഉണ്ണി മുകുന്ദന് എത്തിയിരുന്നു. ട്രോളിലൂടെ പത്ത് പേര് അറിഞ്ഞു എന്നോര്ത്ത് ഇതില് കൂടുതല് പണം നല്കാന് കഴിയില്ല എന്നായിരുന്നു ബാലയെ വിമര്ശിച്ച് ഉണ്ണി പറഞ്ഞത്.
ഇതിന് പിന്നാലെയാണ് ഇത് തനിക്ക് ലഭിച്ച പണമല്ല, തന്റെ അസിസ്റ്റന്റിന്റെ പണമാണ് എന്ന് ബാല പറഞ്ഞിരിക്കുന്നത്. എന്തായാലും മലയാള സിനിമയില് വലിയ വിവാദത്തിനാണ് ബാലയുടെ ആരോപണം വഴി വച്ചിരിക്കുന്നത്.