ദില്ലി: അയോധ്യയില് രാമക്ഷേത്രത്തില് പ്രതിഷ്ഠയ്ക്ക് പിന്നാലെ ഭക്തരുടെ വന് തിരക്ക്. ആദ്യദിനം രാമക്ഷേത്രത്തിലെത്തിയത് മൂന്ന് ലക്ഷത്തോളം തീര്ത്ഥാടകര് ആണെന്ന് ക്ഷേത്ര ട്രസ്റ്റ് വ്യക്തമാക്കി.
ഇന്നലെയാണ് അയോധ്യയിലെ രാമക്ഷേത്രത്തില് പ്രാണ പ്രതിഷ്ഠ നടന്നത്. പ്രതിഷ്ഠാ ദിനത്തില് പൊതുജനത്തിന് പ്രവേശനമുണ്ടായിരുന്നില്ല. ഇന്ന് മുതലാണ് പൊതുജനങ്ങള്ക്ക് ക്ഷേത്രത്തില് ദര്ശനം നടത്താന് അനുമതിയുള്ളത്.
ക്ഷേത്രം തുറന്ന് ആദ്യ ദിനം തന്നെ ഭക്തരുടെ വന് ഒഴുക്കാണ് അനുഭവപ്പെട്ടതെന്ന് ക്ഷേത്ര ട്രസ്റ്റ് അറിയിച്ചു.ആദ്യ ദിനം രാംലല്ല ദര്ശനം നടത്താന് രാജ്യത്തിന്റെ വിവിധ ഭാഗങ്ങളില് നിന്നുള്ള ഭക്തരാണ് ക്ഷേത്രനഗരിയില് എത്തിച്ചേര്ന്നിരിക്കുന്നത്.
നിലവില് രണ്ട് ലക്ഷത്തിലധികം പേര് ദര്ശനത്തിനായി കാത്തു നില്ക്കുന്നുണ്ട്. തിരക്ക് നിയന്ത്രിക്കാന് അയോധ്യ അതിര്ത്തികളില് തീര്ഥാടകരെ തല്ക്കാലം തടയും.
കൂടുതല് ആളുകളെ പ്രവേശിപ്പിക്കുന്നതിനായി ദര്ശന സമയത്തില് മാറ്റം വരുത്തുമെന്ന് മുഖ്യപുരോഹതന് പറഞ്ഞു. വരും ദിവസങ്ങളിലും ഭക്തരുടെ തിരക്ക് പ്രതീക്ഷിക്കുന്നതിനാല് വലിയ പൊലീസ് സന്നാഹത്തെ സുരക്ഷക്കായി വിന്യസിച്ചിട്ടുണ്ട്.
കഴിഞ്ഞ ദിവസം ഉച്ചയ്ക്ക് 12.20നും 12.30നും ഇടയിലുള്ള മുഹൂര്ത്തത്തിലാണ് പ്രാണ പ്രതിഷ്ഠ നടന്നത്. പ്രധാനമന്ത്രി നരേന്ദ്ര മോദി, ആര്എസ്എസ് സര്സംഘ് ചാലക് മോഹന് ഭാഗവത്, യുപി ഗവര്ണര് ആനന്ദി ബെന് പട്ടേല്, യുപി മുഖ്യമന്ത്രി യോഗി ആദിത്യനാഥ് തുടങ്ങിയവര് പൂജാ ചടങ്ങുകളില് പങ്കെടുത്തു.