റിയാലിറ്റി ഷോയിലൂടെ വന്ന് പ്രേക്ഷകമനസില് സ്ഥാനം പിടിച്ച ഗായികയാണ് അമൃത സുരേഷ്. ഇന്ന് ഈ താരത്തെ അറിയാത്തവര് ആരും തന്നെ ഉണ്ടാവില്ല. ബിഗ് ബോസ് സീസണ് 2ലും അമൃത മത്സരിച്ചിരുന്നു. ഇതിലൂടെയാണ് അമൃതയെ പ്രേക്ഷകര് അടുത്തറിഞ്ഞത്. സഹോദരി അഭിരാമിക്കൊപ്പമായാണ് അമൃത ഷോയിലെത്തിയത്. ബിഗ് ബോസ് വീട്ടിലെ ശക്തമായ മത്സരാര്ത്ഥികളായിരുന്നു ഇവര്. ചേച്ചിയെ പോലെ സഹോദരി അഭിരാമിയും പാട്ടില് കഴിവ് തെളിയിച്ചിട്ടുണ്ട്. നേരത്തെ ഇവര് ഒന്നിച്ചും സ്റ്റേജ് ഷോകളില് എത്തിയിരുന്നു.
ഇപ്പോള് അമൃത പങ്കുവെച്ച ഒരു പോസ്റ്റ് ആണ് വൈറലാവുന്നത്. പോസ്റ്റിന് താഴെ നിരവധി പേരാണ് കമന്റിട്ടത്. തെറ്റ് ആദ്യമായി ചെയ്യുമ്പോള് അത് തെറ്റല്ല, അനുഭവമാണ്. അതേ തെറ്റ് ആവര്ത്തിക്കുമ്പോളാണ് അത് ശരിയായ ഒരു തെറ്റായി മാറുന്നതെന്നായിരുന്നു കഴിഞ്ഞ ദിവസം അമൃത കുറിച്ചത്. നിരവധി പേരാണ് പോസ്റ്റിന് കീഴില് കമന്റുകളുമായെത്തിയത്. അനുഭവം നല്ലതാണെങ്കില് അത് തെറ്റായിട്ട് തോന്നുമോ, തെറ്റാണെങ്കില് നമ്മള് അത് റിപീറ്റ് ചെയ്യില്ലേയെന്നായിരുന്നു ഒരാളുടെ ചോദ്യം.
തെറ്റാണെന്ന് അറിഞ്ഞ് അത് ചെയ്താല് തെറ്റാണ് എന്നാല് തെറ്റാണെന്നറിയാതെ ചെയ്താല് തെറ്റല്ലെന്നായിരുന്നു വേറൊരാളുടെ കമന്റ്. തെറ്റ് ചെയ്യാത്തവരായി ആരുമില്ലല്ലോ ഗോപൂയെന്ന കമന്റും പോസ്റ്റിന് കീഴിലുണ്ട്. പോസ്റ്റ് ഇപ്പോള് ശ്രദ്ധിക്കപ്പെട്ടിരിക്കുകയാണ്. നിരവധി പേരാണ് തങ്ങളുടെ അഭിപ്രായം അറിയിച്ച് രംഗത്ത് വന്നത്. അധിക പേരും അമൃതയെ പ്രതികൂലിച്ചാണ് കമന്റിട്ടത്.
ഗമയ എന്ന യൂട്യൂബ് ചാനലിലൂടെയാണ് താരം പ്രേക്ഷകരുമായി കൂടുതല് അടുത്തത്. യാത്ര വിശേഷമെല്ലാം താരം ഇതിലൂടെ പങ്കുവെയ്ക്കാറുണ്ട്. അമൃതയുടെ മകളായ പാപ്പുവും വ്ളോഗില് സജീവമായി തന്നെ ഉണ്ടാവാര് ഉണ്ട്. അമ്മയെ പോലെ പാട്ടില് കഴിവ് തെളിയിച്ചിട്ടുണ്ട് പാപ്പു. നേരത്തെ പാപ്പുവിന്റെ കുസൃതി നിറഞ്ഞ വീഡിയോയും അമൃത പങ്കുവെച്ചിരുന്നു. നടന് ബാലയുമായി വേര്പിരിഞ്ഞ ശേഷം മകള് അമൃതക്കൊപ്പം ആണ് താമസം. ഇടക്ക് മകളെ കാണാന് പോയ വീഡിയോ ബാല പങ്കുവെച്ചിരുന്നു.