മുംബൈ: ബോളിവുഡ് സൂപ്പര്താരം അമിതാഭ് ബച്ചന് അയോധ്യയിലെ 7 സ്റ്റാര് എന്ക്ലേവില് വസ്തു സ്വന്തമാക്കിയതായി റിപ്പോര്ട്ട്. ഏകദേശം 10,000 ചതുരശ്ര അടി വിസ്തീര്ണമുള്ള ഒരു വീട് നിര്മ്മിക്കാന് ബച്ചന് ഉദ്ദേശിക്കുന്ന പ്ലോട്ടിന് 14.5 കോടിയോളം വിലയുണ്ടെന്ന് റിയല് എസ്റ്റേറ്റ് വ്യവസായ വൃത്തങ്ങള് പറഞ്ഞു.
പദ്ധതിയിലെ തന്റെ നിക്ഷേപത്തെക്കുറിച്ച് ബച്ചന് പറഞ്ഞത് ഇങ്ങനെ, ‘എന്റെ ഹൃദയത്തില് ഒരു പ്രത്യേക സ്ഥാനം വഹിക്കുന്ന നഗരമായ അയോധ്യയില് ഈ യാത്ര ആരംഭിക്കാന് ഞാന് ആഗ്രഹിക്കുന്നു. ആഗോള ആത്മീയ തലസ്ഥാനത്ത് എന്റെ വീട് നിര്മ്മിക്കാന് ഞാന് ആഗ്രഹിക്കുന്നു എന്നാണ് ബച്ചന് പറഞ്ഞത്.
രാമക്ഷേത്രത്തില് നിന്ന് ഏകദേശം 15 മിനിറ്റും അയോധ്യ വിമാനത്താവളത്തില് നിന്ന് 30 മിനിറ്റും അകലെയായാണ് ബച്ചന്റെ വസ്തു സ്ഥിതി ചെയ്യുന്നത്.മുംബൈ ആസ്ഥാനമായുള്ള ദി ഹൗസ് ഓഫ് അഭിനന്ദന് ലോധയാണ് വസ്തുവിന്റെ ഡെവലപ്പര്.
അതേസമയം ഈ മാസം 22-നാണ് അയോധ്യയിലെ ശ്രീരാമജന്മഭൂമി ക്ഷേത്ര ഉദ്ഘാടനം. പ്രധാനമന്ത്രി നരേന്ദ്ര മോദിയാണ് ഉദ്ഘാടനം ചെയ്യുന്നത്.