ഒരിടവേളക്കുശേഷം ഫോട്ടോ ഷൂട്ട് ചിത്രവുമായി നമിത പ്രമോദ് ; പുത്തന്‍ ലുക്കിലുള്ള ചിത്രം പങ്കുവെച്ച് താരം

സിനിമകളില്‍ സജീവമായി കൊണ്ടിരിക്കുകയാണ് നമിത പ്രമോദ് . ഇതുവരെ നിരവധി താരങ്ങളുടെ കൂടെ അഭിനയിക്കാന്‍ നമിതക്ക് കഴിഞ്ഞു. അഭിനയം പോലെ ഫോട്ടോഷൂട്ടിലും സജീവമാണ് നടി. നേരത്തെ താരത്തിന്റെ കിടിലന്‍ ചിത്രം സോഷ്യല്‍ മീഡിയയില്‍ സ്ഥാനം പിടിച്ചിരുന്നു.

ഇപ്പോഴിത തന്റെ പുതിയ ചിത്രങ്ങള്‍ പങ്കുവച്ചിരിക്കുകയാണ് താരം. പേസ്റ്റല്‍ ഗ്രീന്‍ നിറത്തിലെ വസ്ത്രത്തിലാണ് നമിത എത്തിയിരിക്കുന്നത്. ലേബല്‍ എം ഡിസൈനേഴ്‌സിന്റെ ഔട്ട്ഫിറ്റിലാണ് താരമെത്തിയിരിക്കുന്നത്. മുമ്പും ഫോട്ടോഷൂട്ട് ചിത്രങ്ങളുമായി താരം എത്തിയിരുന്നു.

ടെലിവിഷനിലൂടെ അഭിനയ രംഗത്ത് അരങ്ങേറ്റം കുറിച്ച നടിയാണ് നമിത പ്രമോദ്. ഇന്ന് മുന്‍നിരനായികന്മാരില്‍ ഒരാളായി മാറാന്‍ താരത്തിന് കഴിഞ്ഞിട്ടുണ്ട്. തന്റെ ബാലതാരത്തിലെ കഥാപാത്രങ്ങള്‍ അത്ര ശ്രദ്ധിക്കപ്പെട്ടില്ലെങ്കിലും നായികയായപ്പോള്‍ ആരാധകര്‍ ഏറ്റെടുക്കുകയായിരുന്നു നമിതയെ. ജയസൂര്യ ചിത്രം ഈശോ ആണ് നമിതയുടേതായി ഇനി പുറത്തുവരാനുള്ളത്. നാദിര്‍ഷയാണ് ചിത്രം സംവിധാനം ചെയ്യുന്നത്.

ഏഷ്യാനെറ്റില്‍ സംപ്രേഷണം ചെയ്തിരുന്ന എന്റെ മാനസപുത്രി എന്ന സീരിയലിലൂടെ ആയിരുന്നു നമിതയുടെ വരവ്. ഇതില്‍ അഞ്ജലി എന്ന കഥാപാത്രത്തെയാണ് നമിത അവതരിപ്പിച്ചിരുന്നത്. താരത്തിന്റെ ഈ കഥാപാത്രം പ്രേക്ഷകശ്രദ്ധ നേടിയിരുന്നു. വേളാങ്കണ്ണി മാതാവ് , അമ്മേ ദേവി എന്നീ പരമ്പരകളിലും നമിത അഭിനയിച്ചിട്ടുണ്ട്.