പ്രേക്ഷകരുടെ സ്വന്തം നടി മന്യയെ മറന്നുകാണിലല്ലോ. ഒരു കാലത്ത് മലയാള ചിത്രത്തില് സജീവമായ താരം ഇപ്പോള് വിദേശത്ത് കുടുംബത്തോടൊപ്പം താമസിക്കുകയാണ്. മികച്ച വേഷങ്ങള് ചെയ്ത് മലയാളത്തില് തിളങ്ങിയ മന്യ വിവാഹ ശേഷം സിനിമയില് നിന്നും വിട്ടുനില്ക്കുകയായിരുന്നു. എന്നാല് നടിയുടെ തിരിച്ച് വരുവും പ്രേക്ഷകര് ആഗ്രഹിക്കുന്നുണ്ട്.
വിദേശത്താണെങ്കിലും തന്റെ ആരാധകരുമായി വിശേഷങ്ങള് പങ്കുവെയ്ക്കാറുണ്ട് താരം. ചിത്രങ്ങളും വീഡിയോകളും ഷേയര് ചെയ്ത് മന്യ സോഷ്യല് മീഡിയയില് എത്താറുണ്ട്. ഇപ്പോള് തനിക്ക് പറ്റിയ പരിക്കിനെക്കുറിച്ച് തുറന്നു പറയുകയാണ് താരം. നടുവിന് പരിക്ക് പറ്റിയതിന് പിന്നാലെ കാര്യമായ ചികിത്സയും നടത്തേണ്ടി വന്നു. ഈ സമയത്തെല്ലാം താന് നേരിട്ട വേദനയെക്കുറിച്ചെല്ലാമാണ് നടി ഇപ്പോള് പോസ്റ്റില് പറയുന്നത്.
”ജീവിതത്തിലൊരു അപ്രതീക്ഷിത ട്വിസ്റ്റ് മൂന്ന് ആഴ്ച മുമ്പ്, എനിക്കൊരു പരുക്ക് പറ്റി. ഹെര്നിയേറ്റഡ് ഡിസ്ക് ആയി. അതെന്റെ ഇടത് കാലിനെ എതാണ്ട് പരാലൈസ്ഡ് ആക്കി. കടുത്ത വേദനയും ഇടതുകാല് അനക്കാന് പറ്റാത്ത അവസ്ഥയുമായിരുന്നു. എമര്ജെന്സി റൂമിലേക്ക് പോകേണ്ടി വന്നു. ഇന്ന് നട്ടെല്ലില് സ്റ്റെറോയിഡ് ഇഞ്ചക്ഷനെടുത്തു. ഈ ബിഫോര്-ആഫ്റ്റര് ചിത്രമെടുത്തത് ഞാന് വല്ലാതെ നെര്വസ് ആയിരുന്നത് കൊണ്ടാണ്. കൊവിഡ് മൂലം മറ്റാരേയും അനുവദിച്ചിരുന്നില്ല, ഞാന് ഒറ്റയ്ക്കായിരുന്നു. ഞാന് പ്രാര്ത്ഥനകളോടെ വേദനയെ നേരിട്ടു. ഈ തംപ്സ് അപ്പ് ഉടനെ എല്ലാം ഭേദമാകുമെന്ന പ്രതീക്ഷയാണ്. മൂന്ന് ആഴ്ചത്തേക്ക് എനിക്ക് ഇരിക്കാനാകില്ലായിരുന്നു.
നടക്കാനാകില്ലായിരുന്നു. നില്ക്കാനോ ഉറങ്ങാനോ പോലും വേദന കാരണം സാധിച്ചിരുന്നില്ല. സുഖപ്പെടാനും തിരികെ വരാനും ഞാന് പരമാവധി ചെയ്യുന്നുണ്ട്. അടുത്ത നിമിഷം എന്തു സംഭവിക്കുമെന്ന് നമുക്ക് ഒരിക്കലും അറിയില്ല. അതുകൊണ്ടാണ് പറയുന്നത് ഈ മൊമന്റില് ജീവിക്കണമെന്ന്. നിങ്ങള് ഇഷ്ടപ്പെടുന്നവരുടെ കൂടെ ജീവിക്കുക. ജീവിതം ക്ഷണികവും അപ്രതീക്ഷിതവുമാണ്. വീണ്ടും ഡാന്സ് ചെയ്യാനാകുമെന്ന് കരുതിയിരുന്നില്ല. എന്നാല് എനിക്ക് പതിയെ കരുത്ത് വീണ്ടെടുക്കാനാകുമെന്ന് ഡോക്ടര് പറഞ്ഞു. നട്ടെല്ലിന് സര്ജറി വേണ്ടിവരരുതേ എന്ന് പ്രാര്ത്ഥിക്കുന്നു. കഴിഞ്ഞ മൂന്നാഴ്ചയായി ഇതാണ് എന്റെ ജിവിതം.
എന്നെ സുഖപ്പെടുത്തുന്നതിന് ദൈവത്തിന് നന്ദി, ജീവിതത്തിന് ദൈവത്തിന് നന്ദി. കുടുംബത്തിനും എനിക്ക് വേണ്ടി പ്രാര്ത്ഥിച്ച ആരാധകര്ക്കും നന്ദി. എന്നും ഓര്ക്കുക, ജീവിതം ഈസിയല്ല. ഇതുപോലെയുള്ള സംഭവങ്ങളുണ്ടാകും. പക്ഷെ പൊരുതുക. തോറ്റു കൊടുക്കരുത് മന്യ പറയുന്നു”.