നിനക്കൊക്കെ അഭിനയിക്കാൻ വല്ലോം അറിയാമോ എന്ന് ജൂഡ് ചോദിച്ചു. തന്നെ കുറെ തെറി വിളിച്ചു. ദുഃഖകരമായ വെളിപ്പെടുത്തലുമായി സിജു വിൽസൺ.

പ്രശസ്ത സംവിധായകൻ ജൂഡ് ആൻറണിയെ കുറിച്ച് സംസാരിക്കുകയാണ് നടൻ സിജു വിൽസൺ. സിനിമയുടെ തുടക്കകാലത്ത് ജൂഡ് ആൻറണിയുടെ പരസ്യത്തിൽ അഭിനയിച്ച അനുഭവമാണ് ഇദ്ദേഹം ഇപ്പോൾ പങ്കുവെക്കുന്നത്. താൻ അപ്പോൾ അഭിനയത്തിൽ ഒരു പരാജയമായിരുന്നു എന്ന് സിജു പറയുന്നു.

അതിന് അവൻ തന്നെ തെറി വിളിച്ചു കൊന്നു എന്നും ഒരു അഭിമുഖത്തിൽ സിജു വിൽസൺ വ്യക്തമാക്കി. ജൂഡിനെ മുൻപേ പരിചയമുണ്ട്. അൽഫോൺസ് വഴിയാണ് അവനെ പരിചയപ്പെടുന്നത്. മുൻപൊരിക്കൽ ജൂഡും അരുൺ ഗോപിയും കൂടി ഒരു കഥ എഴുതുവാൻ ആലുവയിലെ ഫ്ലാറ്റിൽ വന്നു നിന്നിരുന്നു.

ആ സമയത്ത് താനും കിച്ചുവും ഷറഫും ഒക്കെ ഡിസ്കഷനു പോയിരിക്കുകയായിരുന്നു. മൊബൈലിൽ ഷൂട്ട് ചെയ്ത ഒരു മത്സരത്തിന് അയക്കാൻ വേണ്ടിയുള്ള ആട് പോലൊരു സംഭവം ജൂഡ് ചെയ്തിട്ടുണ്ടായിരുന്നു. അതിൽ താനായിരുന്നു നായകനായി അഭിനയിച്ചത്. അന്ന് തന്നെ തെറിവിളിച്ച് കൊന്നവനാണ് ജൂഡ്.

നിനക്ക് അഭിനയിക്കാൻ വല്ലതും അറിയാമോ എന്നൊക്കെ പറഞ്ഞിട്ടുണ്ട്. അന്ന് തനിക്ക് അഭിനയിക്കാൻ അറിയില്ലായിരുന്നു. വളരെ മോശമായിരുന്നു. ഇതിന്റെയൊക്കെ വീഡിയോ അവൻറെ കൈയിലുണ്ട്. അതൊക്കെ പുറത്തു വിട്ടാൽ തീർന്നു. പിന്നീട് സാറാസ് എന്ന ചിത്രത്തിൽ അഭിനയിക്കാൻ വിളിച്ചിരുന്നു എന്നും അപ്പോഴേക്കും താൻ കുറച്ചൊക്കെ പഠിച്ചിരുന്നു എന്നും സിജു വിൽസൺ വ്യക്തമാക്കി.