തമിഴ് നടന് വിക്രമിനെ ആശുപത്രിയില് പ്രവേശിപ്പിച്ചു. ഹൃദയാഘാതത്തെ തുടര്ന്നാണ് വിക്രമിനെ ആശുപത്രിയില് പ്രവേശിപ്പിച്ചതെന്നാണ് റിപ്പോര്ട്ടുകള്. അദ്ദേഹത്തിന്റെ ആരോഗ്യനില മെച്ചപ്പെട്ടതായും വിവരമുണ്ട്.
ഇന്നലെയാണ് താരത്തെ ചെന്നൈയിലെ കാവേരി ആശുപത്രിയില് പ്രവേശിപ്പിച്ചത്. നേരത്തെ വിക്രമിന് കൊവിഡ് ബാധിച്ചിരുന്നു. കൊവിഡ് മുക്തനായതിന് ശേഷം ആരോഗ്യനില വീണ്ടെടുക്കുന്നതിനിടെയാണ് ഹൃദയാഘാതമുണ്ടായതെന്നാണ് തമിഴ് മാധ്യമങ്ങള് അടക്കം റിപ്പോര്ട്ട് ചെയ്യുന്നത്. വൈകിട്ടോടെ അദ്ദേഹത്തെ ഡിസ്ചാര്ജ് ചെയ്യുമെന്ന് ചില മാധ്യമങ്ങള് റിപ്പോര്ട്ട് ചെയ്യുന്നു.
മണിരത്നം സംവിധാനം ചെയ്യുന്ന ബിഗ് ബജറ്റ് ചിത്രം പൊന്നിയിന് സെല്വനാണ് വിക്രമിന്റേതായി ഇനി പുറത്തിറങ്ങാനുള്ള ചിത്രം. ചിത്രത്തില് വിക്രം അവതരിപ്പിക്കുന്ന കഥാപാത്രത്തിന്റെ ക്യാരക്ടര് പോസ്റ്റര് കഴിഞ്ഞ ദിവസമാണ് പുറത്തുവന്നത്. ആദിത്യ കരികാലന് എന്നാണ് ചിത്രത്തില് വിക്രം അവതരിപ്പിക്കുന്ന കഥാപാത്രത്തിന്റെ പേര്. ഇന്ന് വൈകിട്ട് ആറ് മണിക്ക് ചിത്രത്തിന്റെ ടീസര് പുറത്തിറങ്ങാനിരിക്കുകയാണ്.