ഹാസ്യ കഥാപാത്രങ്ങള് ചെയ്തുകൊണ്ട് പ്രേക്ഷകരിലേക്ക് എത്തിയ നടനാണ് ടിനി ടോം. പിന്നീട് നായക കഥാപാത്രം വരെ ഈ നടന് അവതരിപ്പിച്ചു. ഈ അടുത്ത് ഏറ്റവും കൂടുതല് ട്രോളുകള് വന്നതും ഈ നടന് നേരെ. നടന്റെ മിമിക്രിയെ വെച്ചായിരുന്നു ട്രോളുകള് മുഴുവന്. ഈ അടുത്ത് ബാല സംവിധാനം ചെയ്ത ഒരു സിനിമയിലേക്ക് വിളിച്ചത്,,,, ബാലയുടെ ശബ്ദത്തില് ടിനി ടോം അവതരിപ്പിച്ചു. നടന് പിന്തുണയുമായി രമേശ് പിഷാരടിയും ഉണ്ടായിരുന്നു. ഇത് വൈറലായതോടെ ഇപ്പോള് പ്രതികരിച്ചു രംഗത്ത് എത്തിയിരിക്കുകയാണ് ബാല.
എനിക്ക് അത്ര സന്തോഷമൊന്നുമില്ല. ശരിക്കും നേരിട്ട് കണ്ടാല് കൊല്ലാനുള്ള ദേഷ്യമുണ്ട്. എയര്പോര്ട്ട് മുതല് എല്ലായിടത്തും ആളുകള് ലൈം ടീയെ കുറിച്ചാണ് സംസാരിക്കുന്നത്. കത്തി എടുത്ത് കുത്തിയിട്ട് ടിനി ഇപ്പോള് ട്രീറ്റ്മെന്റ് ചെയ്യുകയാണ്. ടിനി എന്നെ വിളിച്ചപ്പോള് ഞാന് ഭയങ്കര ദേഷ്യത്തിലായിരുന്നു. ടിനിയേക്കാള് രമേഷ് പിഷാരടിയോടാണ് ദേഷ്യം. എനിക്ക് അറിയാം കോമഡിക്ക് വേണ്ടി നിങ്ങള് കള്ളത്തരം പറയുകയാണെന്ന്. അപ്പോള് പിഷാരടി സത്യമെന്ന പോലെ റിയാക്ഷന് കൊടുക്കുന്നുണ്ട്. ആരെ ആദ്യം കൊല്ലണം എന്ന സംശയമുണ്ട്.
എന്ത് പറഞ്ഞാലും എന്റെ മര്ഡര് പ്ലാന് ഞാന് വിടില്ല. ടിനി പറഞ്ഞത് ഒട്ടും ഇഷ്ടമായില്ല. ഏറ്റവും കൂടുതല് ആളുകള് എന്നെയാണ് സൈബര് ആക്രമണം നടത്തുന്നത്. ഇവിടെ ഇരുന്നു കാണുമ്പോള് ചിലപ്പോള് മനസിലാകില്ല. സത്യത്തില് എല്ലാവര്ക്കും സൈബര് അറ്റാക്ക് കിട്ടുന്നുണ്ട്. എന്തായാലും ഈ ഓണം ചെന്നൈയില് തന്നെ നില്ക്കാനാണ് ഞാന് തീരുമാനിച്ചത്.
ഇപ്പോള് ഞാന് ഫേസ്ബുക്കില് എല്ലാവര്ക്കും എന്റെ ഹൃദയം നിറഞ്ഞ ഓണാശംസകള് എന്ന് പറഞ്ഞാല് എനിക്ക് തിരിച്ചുകിട്ടാന് പോകുന്നത് പ്രിത്തിരാജ്, അണുപ് മേനോന്, ഉണ്ണി മുകുന്ദന്, ലൈം ടീ എന്നായിരിക്കും. അതിനെക്കാളും നല്ലത് ഞാന് ചെന്നൈയിലായിരിക്കുന്നതാണ്. എന്റെ ഓണം നശിപ്പിച്ച ടിനി ടോമിന് വളരെ വളരെ നന്ദി. ഞാന് അടുത്ത കൊല്ലം ടിനി ചെയ്തത് പോലെ പോലെ മിമിക്രി കാണിച്ച് നിങ്ങളുടെ ഓണം ഞാന് കുളമാക്കും എന്നാണ് ബാല പറഞ്ഞത്.