കല്ക്കി കൃഷ്ണമൂര്ത്തിയുടെ നോവലിനെ ആസ്പദമാക്കി മണിരത്നം സംവിധാനം ചെയ്ത പുതിയ ചിത്രമാണ് ‘പൊന്നിയിന് സെല്വന് 2’. വന്താരനിരയുമായി എത്തിയ ബിഗ്ബജറ്റ് ചിത്രം പ്രദര്ശനത്തിന് എത്തിയത് മുതല് മികച്ച പ്രതികരണമാണ് നേടുന്നത്. ചിത്രം ആഗോള തലത്തില് മികച്ച പ്രതികരണം നേടുകയാണ്.
ചിത്രം രണ്ടാം ദിനത്തിലേക്ക് കടക്കുമ്പോള് സിനിമ 100 കോടി ക്ലബ്ബില് ഇടം പിടിച്ചിരിക്കുകയാണ്. ചിത്രം ഇതുവരെ ആഗോളതലത്തില് 100 കോടി കളക്ഷന് സ്വന്തമാക്കിയെന്ന് ലൈക്ക പ്രൊഡക്ഷന്സ് ട്വീറ്റ് ചെയ്തു.
ഈ വര്ഷം തമിഴിലെ ഏറ്റവും വലിയ ഓപ്പണിംഗ് ആണ് പിഎസ് 2 സ്വന്തമാക്കിയത്.21.37 കോടി തമിഴില് നിന്നും എല്ലാ ഭാഷകളില് നിന്ന് 28-30 കോടിയുമാണ് ചിത്രം സ്വന്തമാക്കിയിരിക്കുന്നത്.
കേരളത്തിലും പൊന്നിയിന് സെല്വന് ചലനം സൃഷ്ടിക്കാന് സാധിച്ചിട്ടുണ്ട്. വിജയ് ചിത്രം വാരിസിന് ശേഷം പിഎസ് 2 ആണ് കേരള കളക്ഷനില് രണ്ടാമതെത്തിയിരിക്കുന്നത്.നോര്ത്ത് അമേരിക്കയില് മാത്രം 16 കോടിയിലധികം ചിത്രം സ്വന്തമാക്കിയിട്ടുണ്ട്.
Conquering hearts and box office alike! #PS2 garners over a 100 crore collection worldwide#PS2RunningSuccessfully #CholasAreBack#PS2 #PonniyinSelvan2 #ManiRatnam @arrahman @madrastalkies_ @LycaProductions @RedGiantMovies_ @Tipsofficial @tipsmusicsouth @IMAX @primevideoIN… pic.twitter.com/M2xcZNXzNZ
— Lyca Productions (@LycaProductions) April 30, 2023
പൊന്നിയിന് സെല്വന് 1ന്റെ തുടര്ച്ചയായി എത്തിയ പൊന്നിയിന് സെല്വന് 2 ലൈക്ക പ്രൊഡക്ഷന്സും മദ്രാസ് ടാക്കീസും സംയുക്തമായി ചേര്ന്നാണ് നിര്മ്മിച്ചിരിക്കുന്നത്. ബി ജയമോഹഹനും ഇളങ്കോ കുമാരവേലുമാണ് ചിത്രത്തിന്റെ തിരക്കഥ എഴുതിയിരിക്കുന്നത്. എആര് റഹ്മാന് ആണ് ചിത്രത്തിന് സംഗീതം നല്കിയിരിക്കുന്നത്. തമിഴ്, മലയാളം, തെലുങ്ക്, കന്നഡ, ഹിന്ദി ഭാഷകളിലാണ് റിലീസ് ചെയ്തത്.