ബിസിസഐ പ്രസിഡന്റ്, ജനറല് സെക്രട്ടറി സ്ഥാനങ്ങളില് മുന് ഇന്ത്യന് ക്യാപ്റ്റന് സൗരവ് ഗാംഗുലിയും കേന്ദ്ര ആഭ്യന്തര മന്ത്രിയുടെ മകന് ജയ് ഷായും തുടരും. ബിസിസിഐ പ്രസിഡന്റ്, ജനറല് സെക്രട്ടറി സ്ഥാനങ്ങള് വഹിക്കുന്ന വ്യക്തികള്ക്ക് തുടര്ച്ചയായി പദവികളില് ഇരിക്കാന് അനുവാദം നല്കുന്ന ഭേദഗതിക്ക് സുപ്രിംകോടതി അനുമതി നല്കി.
തുടര്ച്ചയായി ആറ് വര്ഷം ഭാരവാഹിത്വത്തിലിരുന്നവര്ക്ക് മൂന്ന് വര്ഷം പദവികള് നല്കരുതെന്ന ജസ്റ്റിസ് ആര് എം ലോധ കമ്മിറ്റി ശുപാര്ശ പ്രകാരമുള്ള വ്യവസ്ഥയിലാണ് മാറ്റം വന്നത്. ജസ്റ്റിസ് ഡിവൈ ചന്ദ്രചൂഡ്, ഹിമ കോഹ്ലി എന്നിവരടങ്ങുന്ന ഡിവിഷന് ബെഞ്ചാണ് ഉത്തരവിട്ടത്.
ലോധ കമ്മിറ്റി വ്യവസ്ഥയനുസരിച്ച് ഗാംഗുലിയും ജയ് ഷായും സ്ഥാനമൊഴിയേണ്ടുന്ന സാഹചര്യത്തിലാണ് ബിസിസിഐ സുപ്രിംകോടതിയെ സമീപിച്ചത്. ബിസിസിഐ ഭരണഘടനയില് ഇളവ് നല്കിയുള്ള ഇടക്കാല ഉത്തരവ് നാളെ പുറത്തിറക്കും. ഇതോടെ നിലവിലെ പ്രസിഡന്റ് സൗരവ് ഗാംഗുലിക്കും സെക്രട്ടറി ജയ് ഷായ്ക്കും 2022 ഒക്ടോബറിനു ശേഷവും ചുമതലയില് തുടരാം.