ബിഗ് ബോസ് മലയാളം നാലാം സീസണിലൂടെ ഏറെ പ്രേക്ഷക ശ്രദ്ധ നേടിയ മത്സരാർത്ഥിയാണ് ഡോക്ടർ റോബിൻ. നിരവധി ആരാധകരാണ് ഇദ്ദേഹത്തിന് ഉള്ളത്. റോബിൻ രാധാകൃഷ്ണൻ എന്നാണ് ഇദ്ദേഹത്തിൻറെ പേര്. ഷോയുടെ പകുതിക്ക് വെച്ച് ഇദ്ദേഹം പുറത്തായിരുന്നു. ഇദ്ദേഹവും ദിൽഷ എന്ന മത്സരാർത്ഥിക്കും ഒരുപാട് ആരാധകർ ഉണ്ടായിരുന്നു. ഇരുവരും ഒരുമിക്കും എന്ന് പല ആളുകളും സ്വപ്നം കണ്ടു.
ബിഗ് ബോസിൽ നിന്നും ഇറങ്ങിയശേഷം മികച്ച സ്വീകരണം ആണ് ഇദ്ദേഹത്തിന് പലയിടങ്ങളിലും ലഭിച്ചത്. ഇതിൻറെ തിരക്കിലാണ് റോബിൻ ഇപ്പോൾ. എത്രയും വേഗം വിവാഹം കഴിക്കണമെന്ന് തീരുമാനത്തിൽ താരവും കുടുംബവും എത്തിയിട്ടുണ്ട് എന്നാണ് സൂചന. തന്റെ ഭാവി വധുവിനെ കുറിച്ചുള്ള ചില സങ്കല്പങ്ങളും താരം തന്നെ തുറന്നുപറയുന്നുണ്ട്. ഒരു അഭിമുഖത്തിലാണ് റോബിൻ ഇതിനെക്കുറിച്ച് പറയുന്നത്. താനിപ്പോൾ സിംഗിൾ ആണ് എന്ന് താരം പറയുന്നു.
എല്ലാവർക്കും തന്നെ അറിയാം. പോസിറ്റീവ് നെഗറ്റീവും ഉള്ള പച്ചയായ മനുഷ്യനാണ് താൻ. ഇത് രണ്ടും സ്വീകരിക്കാൻ പറ്റുന്ന കുട്ടി ആയാൽ മതി. എപ്പോഴും ഹാപ്പി ആയിരിക്കണം എന്ന് പറഞ്ഞാൽ തന്നെക്കൊണ്ട് അതിന് സാധിക്കില്ല. തൻറെ നെഗറ്റീവ് കൂടി മനസ്സിലാക്കേണ്ടതുണ്ട്. ഒരു മനുഷ്യൻ എന്ന ഈ കാര്യങ്ങളൊക്കെ മനസ്സിലാക്കുന്ന കുട്ടി ഭാര്യയാവണം എന്ന് താരം പറയുന്നു.
കുറച്ച് ഭംഗിയുള്ള കുട്ടി ആവണം. അടിച്ചു പൊളിച്ചു ജീവിക്കുന്ന ആളാണ് താൻ. ഒറ്റയ്ക്കാണെങ്കിൽ തനിക്ക് ഒരുപാട് കാര്യങ്ങൾ ചെയ്യാൻ സാധിക്കും. ചിലപ്പോൾ പിന്തുണയ്ക്കാൻ ഒരാളുണ്ടെങ്കിൽ അതിൽ കൂടുതൽ ചെയ്യുവാൻ കഴിഞ്ഞേക്കും. അങ്ങനെ ഒരാളെ കണ്ടുവെച്ചിട്ടുണ്ടോ എന്ന് ചോദ്യത്തിന് പറയാൻ സൗകര്യമില്ല എന്നും താരം പറയുന്നു. തനിക്ക് ഒരിക്കലും കലിപ്പന്റെ കാന്താരിയെ വേണമെന്നില്ല എന്നും താരം പറയുന്നു.