കൊല്ലം വിസ്മയ കേസില് കോടതി ഇന്ന് വിധി പറയുകയാണ്. വിധി കേള്ക്കാന് വിസ്മയയുടെ പിതാവും കുടുംബാംഗങ്ങളും കോടതിയിലേക്ക് പുറപ്പെട്ടു. ശിക്ഷാ വിധി കേള്ക്കുന്നതിനായി അച്ഛന് കോടതിയിലേക്ക് പുറപ്പെട്ടത് വിസ്മയയ്ക്ക് സ്ത്രീധനമായി നല്കിയ കാറിലാണ്. ഈ കാറിനെ ചൊല്ലിയുള്ള അതിക്രൂരമായ മര്ദനവും പീഡനവും സഹിക്കവയ്യാതെയാണ് വിസ്മയ ആത്മഹത്യ ചെയ്തത്.
മകളുടെ മരണത്തിന് ശേഷം താന് ആദ്യമായാണ് ഈ കാര് ഓടിക്കുന്നതെന്ന് വിസ്മയയുടെ പിതാവ് ത്രിവിക്രമന് പറഞ്ഞു. ഇന്ന് വിധി കേള്ക്കാന് കൂടെ മകളുടെ ആത്മാവുമുണ്ട്. അവള്ക്ക് ഏറ്റവും കൂടുതല് ഇഷ്ടമുള്ള വണ്ടികൂടിയാണിത്. താനും മകളും മകനും കൂടി പോയിട്ടാണ് വണ്ടി വാങ്ങിയതെന്നും അദ്ദേഹം പറഞ്ഞു.
വിസ്മയ കേസില് പ്രതി കിരണ്കുമാര് കുറ്റക്കാരനെന്ന് കോടതി വിധിച്ചിരുന്നു. ശിക്ഷാവിധി ഇന്ന് ഉച്ചയോടെ പ്രഖ്യാപിക്കും. ജീവപര്യന്തത്തില് കുറഞ്ഞ ശിക്ഷ നല്കരുതെന്നാണ് പ്രോസിക്യൂഷന് വാധിച്ചിരിക്കുന്നത്.